V-DAY LETTER(V-day thil pek pek theih loh tur thu hrilhna)

V-Day Letter
(V-day thil pek pek theih loh tur thu hrilhna)

To,

Duhtak,

I hnenah sawi duh ka nei; chu chu, kan inhmangaihna hi V-day puala thil pek tih velah mai mai innghat lo se ka ti. Chutiang thil peka innghat hmangaihna leh inlaichinna a nih chuan, ka dinhmun hian a la zo ve rih lo a nih ber a; chu chu hmangaihna dik kalphungah ka ngai lo bawk.

Hrehawm ka ti khawp mai; mahse, ei leh in, in luah man leh thil dang rilru-ah a awm ṭun a, i pawisa ka hmang bawk. Thil a danglam thut a nih loh chuan, V-day nî takin thil pêk ka pe thei dawn lo che niin a lang a, i duh chuan i thil min pêk tur pawh kha i cancel thei a nia, ka dem miah lo vang che.

Min hre thiam ang che aw, pawi ka ti lutuk. Engtin nge ni ang? Ka hre lo.

I laka chhuan tur ka neih chhun chu ka thinlung nghehna chauh a ni. Sum sèn ngai chi thil pek hmangin ka vur thei rih lo che a ni ber a; chutiang hmanga tihlawm che pawh ka duh lo va, ka tum ngai hek lo. Ka theih chinah erawh i tân sum sèn ka hnial ngai lo vang; chu chu i hria.

I lungawi lo maithei a; mahse, ka rilru chu a ngai reng. Sum leh thil pek hi ka hmangaih chhan che a ni lo va, min hmangaih chhan pawh ni hek suh se. Thil pek avanga inhmangaih hi a dik dawn em ni? Inhmangaih avang erawhin thil pek erawh an inpe ṭhin.

Ka dan theih loh buaina ka tawk a, V-day nî hian thil pek ka pe ve hman kher lo che a nih ka ring ta.

“Chuan, engtin nge ni zel ang?” tiin min zawt maw? ‘Kan hun tawnah kan thinlung fiahin a awm ṭhin,’ tiin ka chhang mai ang che aw.

Ka hmangaihna che a ngai reng angin, i laka ka thinlung nghehzia hi leilung hian min hriatpui a, kawlkila ni a liam rual leh, a rawn lan leh rual hian i tan ka thinlung chu a thar zel a, a danglam lo.

I lainat mi rethei.
Xxxx

Riahbûk Vànram

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x