UIRE HI THIHPUI THAM KHAWPA SUAL LIAN A NI

Ziaktu : Hmingthup

(Uirepa leh uirenu chu tih hlum ngei tur a ni. – Leveticus 20:10)

Pathian hian Uirena hi a haw hle a ni tih hi a hriat hle a ni. Thusawm pekah ngei pawh, “I uire tur a ni lo” a ti tel ngat bawk a.

Tunlaiah Nupui nei renga uire, Pasal nei renga uire an tam em em. An intih hmuh emaw ni hial ni? Uireho reng reng hian an mahni thiam loh zu inchan mawh khawp a, ka nupui vang/ ka pasal vang, chuti khati vang chu a ni e an ti zel, ka hriat tawh ho ah hian. Chhuanlam dawrawm deuh an nei ngei ngei thin.

Mahse, hei hi nang Uirepa leh uirenu khan lo hre reng ang che aw…. I uire hi tu vang mah a ni lo tih hi. I insum thei lova, mahni kawppuiah lungawi mai i tum lova, I RINAWM ve thawt loh vang mai a ni e. Duh tawk i ngah ve thlawt loh vang a ni. Duhamnain i mit i thunun a, mahni kawppui ni lo chu hmeltha takin i hmu a, i it ta mai chauh a ni.

Uire tih hming hian Anchhia a pai tel a ni tih hi hre leh bawk teh aw.. I thlah te thlah leh zelah he Anchhia hi i dah tawh a ni tih hi. A pawi vawng vawng teh e.

Hei hi ka sawi leh duh. Tunlaiah mi pasal lo ngaizawng a, lo inphalrai ho hi an Zak ṭhak ngai lo an la ti zui. An nupui te thinlung na hian Pathian beng a thleng tih hi lo hria la, Phuba latu tha tak, Chhuan tam takte thlenga Phuba la thin Pathian an nei asin.

Mi pasal i lo awm khawlohpui a nih chuan sim la, an nupui te bulah inchirin ngaihdam hi dil mawlh teh. a nih loh chuan an nupui te anchhia hi i chungah, nangma chung ngeiah a tla dawn tih hi hre nawn mawlh mawlh ang che. An nupuite pawi i sawi. Eng tin pawn an lo ti mai thei che; mahse, ngawi ang che. I tawrh tur reng a ni si a.

A tawp berah chuan, i lo uire palh hlauh a nih chuan Pathian i hlauh vang chauh pawh ni lovin, an thinlung i lo tih kehsawm te lakah hian inchhir ve mawlh ta che. Chunglam hian i tal pawl vak hi a rem ti lutuk tawh lo mai thei asin. Inchhirna hun tha, inlamletna hun tha hi bawhpelh suh.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x