Ti Suh!
Chhantea Pautu
©
A tana demawm khawpin a lakah i lo luangliam palh a! Hmuhsitawma ngaih theih khawpin amah i thinlai a! In inhmangaih tan tirha in boruak hlimawm sosang a reh duak a!
I hmangaih miau avangin amah avangin i na fo a! I tap a! I kun a! I rûm vawng vawng fo!
I beisei san luatah i beisei i hmu lova! I natna chhâwk tura i beisei khan i natna a chhawk ta si lo che a!
I nuna i ritphurhte chhâwkna tur i zawng a; i hmangaih lam i hawi a! Mihringah damna i zawng a; i dam zo si lo!
I nuna i thil tawn avanga i thinlung nâ chu lo tuam dam sak tur chein i hmangaih i pan a; i beisei loh zawk i hmu a ni ngei ang!
I nat belhchhah a!
I thinlung a dam miau loh avangin midang tan damna i thlen thei lo a ni!
Thil a punlun chho a! In inlaichinna kar a khi a; chu chuan i nâ a belhchhah a ni ti raw!?
He khawvel chhuahsan mai duh khawpa i thinlungin a nawr tak che chu le!
Mahse, in ti dam turin Pathian kutah tlulût ta che…aw!?
Ti rawh; i kal dun ang!
Thinlung nat avanga hruihrual awrh turin engmah ti suh!
Vawiin, zanin, tun darkar, tun minute i hman mêk kha nun bul tan that lehna hun tha tak chu a ni thei a sin!
Ka’ rawh; kal dun ang! Kei pawhin ka mamawh a lawm!
