THÁIBÀWIH CHHUNGKUA

THÂIBÀWIH CHHUNGKUA
Chhantea Pautu 
©
A khawsik chu a sawi mai duh lo va, a meng sen râm a, peih lo tak chungin chhuat nawh a tum a…a Pasal chuan a awm dàn chu a lo hai hauh lo…

PASAL: I nuamsam vak nange!?

NUPUI: A ho lutuk…engmah a ni lo…

PASAL: Ka awih lo…khawi maw…(a nupui pang a han dek a)…i khûa a sik a nih hi, damdawi ka’n la nge…(damdawi an inpe a)

NUPUI: Ka hritlâng satliah mai mai alawm…

PASAL: Hehehe…ka’n lo nawh chhâwk dawn che em ni?

NUPUI: A ngâi lo…mi ṭawng duh dàn a mak thei si…

PASAL: Hehehe…ho lutuk! Anni ṭawng mai mai…(a nupui a kài lui a, ṭhuthlengah a ṭhuttir a, nui pahin…) Nawh chhâwk che ila i duh reng kha, tikhan lo mu hahdam teh…

(A Nupui chu a nui sèih a; a Pasal chhuat nawt chu a lo thlîr a. Chaw an han ei a, naupangin thleng sengin hmun an phiat a, Pasalin thleng a sil a; thleng a sil mêk lâi chuan a ṭhianpa a lo lût a…)

A ṬHIANPA: E heee…ṭhianpa hi aaa…thâibàwih ṭek ṭek deuh ve…

PASAL: Nia, ka nupui a nuamsam vak lo va…

A ṬHIANPA: A ni maw…mahse, naupang tihtir ta che, mipain thleng sil em em te chu aaa…a nau zâwk pawh kum 8 a nih ve tawh hiii…

PASAL: An ti ve bawk ang chu…mipa naupang pawh nise ṭanrual an zir nân leh tih hreh an neih loh nân Pa ber leh Nu berin bul kan ṭan emaw, tih ve zeuh zeuh emaw a ngâi asin…

A ṬHIANPA: Ho eee mai a…thâibàwih tho tho…

(A ṭhianpa a haw a…)

NUPUI: Khaaa…ka tân a zahthlâk…mì te ṭawng duh dàn lah khati kha a ni zel a…

PASAL: (A nui suk a…) Pâwn lam mì te ṭawng dàn mai mai ai chuan kan inchhungkhur a pawimawh zâwk; a nazawngin ka ti lo va, nang i dam a, i buai viau te a nih loh chuan ka ti ngài chuang hlei nem…e tak a, i kekawrte sûk tur i chiah em? Ka va su…(sawi zo lovin a nui vur vur a…)

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x