RILRU PUITLING LOVA INNEIH

Kum lam leh taksa pumruaah i puitling uaih a ni mai thei, amaherawhchu, inneihnain mawhphurhna a ken telte chu hre tur leh lan chhuahtir turin i la puitling tawk lo hle thei thung.

Mipuitlinglote chuan mawhphurna tak tak an kova nghah chu an la zo lova, inneihna chu an tisa chakna tihhlawhtlinna hmanrua atan chauh emaw tiin, nupa ‘englo’ hlimna lam ringawt chu rilru pui berah an nei thin. Chutiang mite chuan harsatna leh buaina deuh hlek an han tawhin, huai tak leh chhel tak leh dawhthei taka tawn tlang leh hmachhawn tumna lam aiin, inthen mai duhna an nei hma em em a ni.

Nupui te an lo rai a, fate neih hnu, mawhphurhna tak tak kenkawh a lo ngaih hnu chuan an puitlin lohna kha a takin a lo lang tan a. Nupa chauh a ‘englo’ hlimna an neih thin kha an inneih chhan ber pakhat a nih avangin a tibuai thei tur thil dang, fate emaw an lo awm khan an puitlin lohna a lo lang chhuak ta thin a ni.

Inneihna hi mawhphurhna nena inkawp tlat anih avangin chu mawhphurhna keng tlang thei khawpa miin rilru puitling a put loh chuan a hnuah buaina tawkin inthenna a lo tam phah ta thin a ni. Hmanhmawh taka inneihna hi hmanhmawh taka inthen lehna hmawr pakhat a ni.

I damchhung kawppui tur thlan kawngah fimkhur hmasa la, I thlan tawh lakah, a Nuam lai chauh ni lo, a Hreawmna laiah pawh i mawhphurhna hlen chhuah i tum dawn nia.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x