PHUBA LAK DAN NUIHZATTHLAK

Thiandun inkawmngaih deuh hi an awm a. (An hming lemah Rema leh Khuma ti ang aw) An thiandun hi an inngainain an inzui reng thin a. Fiamthu lah an duh, fiam lah an dawl. Lo lam hnaah te an inpui tawn reng thin a. Englai mahin an inthlah ngai lo a ni ber e.

Nupui nei rual an nih chuan Khuma chuan ngaihzawng neiin dan khatnain nupui a nei ta a. Rema chu thianah a tang a, thian nih pawh a tlinin engkimah an inpe zo hle. Mahse, an fiamthu duh luat vang nge ni… Khuma’n a lo nghahhlelh em em, a nupui neih zan tur a lo suangtuah thin chu beisei lo takin a thleng ta tlat mai.

Hlim taka inneih zan hman a thlakhlelh dawn tehlul nen an khum bulah a thianpa Rema chu a riak lui ta tlat mai a, a nuih a za lo chiang ngei e. Sawi tur a vang, rilru kamtu awm reng chung chuan a muthilh theih mai bawk si lo. He mi zan hian nungchang tha takin zankhatna chu an hmang ral ta a.

Tun hma atangin Khawhar inah te an riakdun fo va, an ina an riahdun loh leh a thianpa te inah an riak dun thin a. He mi zan pawh hian a thianpa Rema hi Khuma te ina a riak thin lai tak a ni a. Rema chuan a thianpa te nupain hrehawm an tih loh nan hawihhawm takin ‘Min hmaizah reng reng suh u aw’ te chu a han ti tak na a, an zan khatna hun hmanna tur atan chuan thil nuam lo tak a nih bakah, a monu ber phei chuan heti chunga englo a duh dawn lo hrim hrim si a, muhil thei chuang si lovin a ngawi ta hle hle a.

Tichuan…

Hun a lo inher zel a, Khuma ten fa 4 an neih hnu chuan Rema pawh chuan Hmangaih lungdi a tawng ve ta hlauh mai a. Tichuan, dan khatnain nupui a nei ve dawn ta a. Nupui neih zan tur a nghahhlel ve ngei ang. Palai te tirin dan khatna ngeia nupui nei ve tur chuan a inbuatsaih ve ta a.

A thianpa Khuma chu thianah a hmang ve leh a, a thianpa pawh chuan naupan tet atanga englai pawha a lo kawm thin, a rual duh tak maiin dan khatnaa nupui a han nei tur chu a hlimin a lawmpui tak zet a, theih tawp chhuahin a neih ang ang te thawh vein he mi ni hian a buai hle a. Tichuan, zan a lo thlen chuan……

Loh theih lohvin thil hriat chhuah a nei ta a. Rema ai mahin he mi zan hi a nghakhlel zawk emaw tih turin a hlim ru hle bawk a. A chhan chu a nupui neih zan kha a theihnghilh thei tlat lo. Kha mi zan khan eng emaw kha a tuar tlaivar thak a, englo em em chung khan a nungchang tha mut ve mai mai kha a ni a. Han hriat chhuah loh tum mah se, a thei tlai lo.

A hun a lo thleng ta a….

Zan mut a lo hun a, an thian dun mitmeng atang chuan thil thleng tawh kha an hrechhuak dun a ni ang e. Engmah sawi lo pawhin an nui tet tet a.

“Thiana, vawiin kha i chau dawn si a, lo va haw tawh mai ta che” tih ngam rual a ni tawh lo. “Ka chungah a thleng ve dawn ta a ni maw, ka thianpa hian kha hun ka lo tawntir kha han theihnghilh se ka va ti em!” a ti rilru neuh neuh ngei ang.

Engkim hre chhuak dun chung chuan pindan lam chu an pan ho ta a….

Lo ngaihtuah chhun zawm mai teh u! 😀

(He thu hi November 8, 2012 a ka post kha a ni a, an hming leh khua ka thup ta mai.)

Share this post:

You May Also Like

Subscribe
Notify of
guest
3 Comments
most voted
newest oldest
Inline Feedbacks
View all comments
Mamawii Hualngo
Mamawii Hualngo
2 years ago

Nangmah chu i ni em lo turah ngai ang????

siama
siama
Reply to  Mamawii Hualngo
2 years ago

hahaha, alo ni reng ang e

Lalsangpuia Ralte
2 years ago

hahaha :))

3
0
Would love your thoughts, please comment.x
()
x