PASAL NGAIHSAK HLAWH LO NUPUITE

By – Sora-i Nu

Khawvel a famkim lo ang chiah hian nun pawh hi a famkim thei lova, hlimna a awmin ţahna a lo awm a, beidawnna a awmin beiseina pawh a awm thin.

Khawvelah kan awm miau a, nun tifamkim turin nupui/pasal kan innei a, thenkhat hlim taka an awm laiin thenkhat erawh lungngai takin kan indawm kun fo mai.

Nupui/pasal han neih hian nupa nunah harsatna tamtak kan tawk chho va, a rukin kan buai ru fo thin.

Hmeichhe tamtak buai ruk fona hi an pasal ten ngahsak tawk lo leh hmangaih tawkin lovin an i hria a, hrehawm an ti a, an beidawng em em thin.

Mahse, i han ti teh ang aw… Hmeichhia ten engkim huamin pasal kan nei ta sa sa, kan pasal ten min ngai lova, min care lova, min hmangaih tawk lo nia kan inhriatna te, keini aia thildang ngaihsak a, buaipui zawk an neih tlatna chhan hi chhui tham fe a awmin ka hria.

I han solve dawn teh ang…

I pasal khan hah takin hna a thawk a, a lo haw hunin faitak leh nalh taka lo awmin kawngka bulah lo hmuak la, lo welcome teh. A bag, a hmanrua te lo laksak varin (a chauh leh chauh loh erawh zawt rih mai lo la) Vawiin nilenga i rilrua a awmthu, i ngaihthu leh a tel lova hrehawm i tih thu han sawi la, a banah vuanin pangchang takin han nawr deuh salh teh.

Roomah kailut la, a biangah fawpin ka ngai che han ti zeuh la, a kawr phelsak la, a mawza thlengin phelsak la, in bualna tui i dahsak diamthu han hrilh la, a hahdam sawng sawng dawn a ni.

Nupa nih tawh chuan thuruk awm lo se, inpawh takin harsatna, buaina, duhzawng tha leh thalo te sawi dun a tha. Zah tittet loh tur.

Kan pasal te tv en duhzawng Eg. – inkhel, tennis etc eng pawh nise kan enduh zawng ni lo mah se, tuipui thiam a, enpui fo tur. (Korean flim ringawt en pawh a ni lo a nih) Thil hotea lang si, thil ho ni miah si lo, an chawhmeh duhzawng siam te, a thusawi lo ngaihthlak te, mi bula zahtak leh ngaisang taka en te, an thinrim laia zaidam taka chhan te, an thiante polite taka lo biak sak te, khawi ilo chhuah dawna kalna tur hrilh thlap te nupui tih tur tha tak tak, zawm tur hi ava tam em…!!

I pasal Birthday ah thil manto lem lo present fo bawk rawh. I pasal chu pasal ang ni lovin Lal fapa angin han enkawl la, mipa fing a nih phawt chuan Lal fanu i ni ve nghal ang.

Nupa nun ah hian sex chauh hi hlimna a ni lova, nupa nihna pawh a ni chuang lo.

Inzahtawnna, inrintawnna, inhriatthiam tawnna, inthianthatna te hi a tifamkimtu zawk a ni.

Nupui tha leh zahawmtak, mite it khawpa pasalte duat nih hi kan duh theuhin ka ring a, mahse, keimahni hian chung zawng zawng chu kan hlen hmasak a ngai a ni.

Pasal zu in mi i lo nei a nih pawhin, hmusitin beidawng mai suh.

Zu in mi pasal i nei a nih pawn a ruih laiin hau lo la, ankhum lo la, lungawilohna lantir hlek suh. Thatakin, pangngai takin welcome vek la, a ruih loh hunah a ruih avanga i rilru nat thu te, hrehawm i tihzia te, i hmangaihzia te, i neihchhun, i innghahna a nihzia te han hrilh la, a sim nghal lo mai thei, mahse, i thusawi erawh Zu a in dawn apiangin a hre thar leh thin ang a, hrehawm a ti tulh tulh mai ang.

Sual hi sual veka kan thungrulh tlat chuan thatnain hmun a chang thei tawh lova, chhungkaw kehdarh (broken family) a lo awm mai thin.

Pasalte enkawl kawngah hian a zawng zawng hi Nupui te mawhphurhna a ni a, pasal ten min ngaihsak lo tih avanga beidawng a, pasalte then mai hi a awl a, dawhtheihna nena enkawl an ngai a ni. A tam khawp mai, sawisen a ni lo.

Nupui tha tak nih kan duh a, pasal thatak neih kan duh si chuan kan chanvo hi chhel takin hlen tum ila, reiloteah pasalte then theih loh, nupui fel Lal fanu kan ni dawn nih chu.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x