NUPUI NEIH LOH AIA NEIH NAWM ZAWKNA TE

Mipa tam tak hian nupui neih hi kan thiante emaw kan chhehvela thil kan hmuh leh hriatte atangin kan huphurh thin a. A huphurhawm loh zia leh fa 3 ka neih hnua ka tawn hriat atangin ka mipa puite a huphurhawm loh zawng leh a phurawm zawngin ka rawn fuih ve ange.

Thenkhat chuan tlangval nun hi a nuam berin kan zalen ber pawh in ti mai thei. Mahse, nupui han neih chiah hi chuan tlangval lai ai chuan kan nun alo hahdamin kan rilru alo hlim zawk daih a nia.

Zantin nula/sas te rima khawvawt hnuaia  lenchhuah  pawh angai tawh lo, duh berte nen in lumah ngei runhmun kan leng dun thei tawh.

Ngaihzawng/sas neih laia rilru hahna leh midangten an lo khuaikhem emaw an lo chu e kha ve mai anga ti a, kan rilru a kan hlauhthawnna zawng zawng kha a awm tawh lo.

Phone bill a thlatin saste biak nana pawisa tam tak tak chawi thin kha, sum save vek a ni tawhin ka hausa sawt bawk.

Duhberte kawl chu rilru, taksa engkim hi a hahdamin thla amuang em em tawh ringawt pawh hi nupui neih loh aia neih hlutzia min ti hrechhuak fo tur a ni.

Chutah, fa hmasaber kan han nei a, duhthusam ngeiin fapa kan han nei ngei a, kan hlimna hi a rawn belchhah nasa em em a ni. Hnathawk a kan han chhuah pawhin Ina haw thuai thuai a kan fapa/naute thar  chukss hlan kan nghakhlel em em mai a ni.

Chutah, fa dang lo piang lehin patling tak tak min nih tir turin hmeichhia kan han nei leh ngei a. Kawng engkimah kan hlimin Lalpa Pathian min hmangaihna hi ava han hlu em kan lo tih theih leh phah ta thinin Pathianah kan rinna kan sawhngheh phah sawt bawk a. Chutiang zelin engkim mai hi nupui nei lote ai chuan nupui neih chu alo manhlain nun hlimna min lo pe tam daih zawk a ni. Chubakah mi’n nupui a neih loh chuan khawtlang/vantlangah nuam tih lohna emaw fiamna uangthuang emaw kah deuh fek fekte a tawkin a chang phei chuan a zak viau thin bawk. Nupui neilo tlangval ai chuan, nupui nei a pa ni chu zahna pawh a awm zawk mipui zingah pawh. Kan nupuite hi eng nikhuaah pawh an pasalte thlavang hauhtu an niin min thlawp tlattu anni fo thin. Mipa nupui la nei lo chu thlavang hauh tlattu leh thlawp tlattu pawh in nei ve lo chhungte bak tihna a nih chu. Nupui neih chuan engkimah hlimna kan hmu zawk a nih chu a nei lo te ai chuan. He khawvel hringnun hman man hi a awm bik em em a ni. Ka lawm e!

 

By – Moris IIan Tochhawng

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x