NUPA INNGAIHZAWN A THA BER

Miin ngaihzawng dang a va neih reng reng hian a chhan ber chu a nupui/pasalah nupa nihnaah hlimna a hmuh tawk lohna avanga chu chu hmu tura zawnna a ni ber fo va. Chuvangin, nupa chu an inngaizawng tur a ni. He inngaihzawnna hi a lo reh palh hlauh chuan midanga va zawn hmuh tumna a awm thuai thin a ni. Ngaihzawng nei reng reng ten an rilrua an chak leh duh fo chu, naupang anga duattu neih leh han pawm leh chul leh kuah a, han muah veltu neih a ni chawk. Hei hi inngaizawng te tihdan a ni a, nupaa insiam hnu pawn tih fo thin tur a ni.

A pawimawh berah chuan, han inchhaih (sexual games) thlengin neih a tul a ni. Mihring tawhphawt chuan duat leh fak hi kan ngaina em em a. Nupa nih tak vanga heng ang thil hi tih ngai tawh lo anga ngaih mai hi thil dik lo tak a ni. Kan nupui/pasal hi chuan min hmangaih hle a ni tih a inhriat theihna tur thil engemaw hi lantir chamchi tur a ni.

Kan kawppui te hip zawng leh ngainat zawnga inchei dan thlengin hriat a tha hle. A bik takin, keini hmeichhiate pasal han neih a, fate han neih hnu hian inthlathlamna leh inthlahdulna a nasa a. Inchei ngaihsak tak mangloh te, chuai lutuk anga zuk awm pawh pawi tih lohnate a awm fo thin niin a lang.

Hetia incheina inthlahdah lutukna avang hian mipa tan Tuai thar dang duhna a awm hma em em a ni. Chutiang bawkin mipa pawh, chet dan, khawsak dan, tawngkam, incheina lam thlenga inthlahdah leh fimkhur lohna avangin nupuite ngaihzawn nah awmin a awm loh theih bawk a ni.

Nupa hlimna hi amaha lo awm mai ni lovin, a siama siam, a thawha thawhchhuah, nupa tangruala neih a ni fo a ni. Chhungkaw hlim nei tur leh din tur chuan mi pahnih inneihna mai ni lovin, mi pathum inneihna, nangmah leh i nupui/pasal leh Pathian tanrualna chauh lo chuan a hlawhtling ngai lo vang.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x