NULATE HNENA HRIATTIRNA

Ziaktu : Suzzane Sailo Ngurpuii

Tunlaiah nula thenkhat mi pasal zuna uai hi an awm nawk ta mai a, thenkhat chuan pa an nih pawh an hre lo a ni awm e.

Nulate u, Facebook ah hian mi, “Eng ang nge a nih? Khawia mi nge? Tunge a nih? tih hre hmasa lovin mipa hi nelin ring ngawt suh.

Pa ni reng si, thenkhat chu an profile, status leh photo ah pawh pa an nih tarlanna awm miah lo an awm thin. He kan Mizoram ram zimte ah hian, “Tunge a nih?” tih hi zawnchhuah a har lo. An friends te atangin mi 1 tal chu hrechiangtu an awm thin.

Mipate hi Pa an nih hnu hian zei ta riaua inhriatna an nei thin a, anmahni inrintawkna pawh an nei zawk thin {an tlangvallai aiin}. Zei taka hmeichhe han lem vel nan an tawngkam tha an ui lova. Tin, an nupuite laka an dream an tihhlawhtlin ngamlohte kha nula bulah lantir an chak thin.

An tawngkam tha avangin nula tam tak an tawlhthlu fo thin a, i hrechiang hmasa a nih loh chuan mipa lakah i rilru pe ngawt suh. Pa an ni tih i hrereng chunga i duh em avanga i kawplui a, a hnuah i nun a tha lo zawnga i hmang a nih chuan i zirloh a ni. Paho hian an tawngkam tha eltiangin i lakah tawngkam hmang mah se, a taka an zawm kher lo. A nupui lakah pawh a rinawm theih loh chuan i lakah a rinawm bik ring suh.

“Ka hmangaih reng ang che”, “ka kalsan ngailo ang che”, “eng dinhmunah pawh ding la, ka phatsan ngai lovang che”, etc’… Hetiang tawngkam a hman pawhin nula i nih a, pa a nih chhung chu ring ngai suh. A duhdana i awm hunah a phatsanna che avanga rilru na ber tur i ni. A zei a chhuah vang ngawt khan lo duhin, lo hmangaih ve ngawt suh ang che. Paho hian a tawpah chuan an nupui fanaute kalsanin midang hi an thlang leh ngam tak tak chuang lo.

Nula thenkhat mi pasal te laka sex hmang hian beidawnna tam tak an nei a, an sawi chhuak ngam lo a, mi pasalin zei taka sex a lo hmanpui hian sex thlakhlelhna nasa tak a siam a, a hnuah an nun a tha lo zawngin an hmang zui fo thin. Pasal nei ngam chiah si lovin pa bawk ngaizawng zelin an mualpho hlauin sex ah bawk an tlu lut leh thin.

Nula te u, mipa zei hi thlahlel ngawt suh u aw. Tlangval tam tak an awmlai a, mi chhungkua leh i tan ngei pawha i chhiatna tur a ni tih hria la, “I duh em vang te, i hmangaih em vang te, i thlakhlelh em vang te inngaizawng zui lo hram ang che. Nakina i inchhirna tur mai mai a ni si. 

Share this post:

You May Also Like

1
Leave a comment:

avatar
1 Comment threads
0 Thread replies
1 Followers
 
Most reacted comment
Hottest comment thread
1 Comment authors
Vi El Ralte Recent comment authors
  Subscribe  
newest oldest most voted
Notify of
Vi El Ralte
Guest
Vi El Ralte

Ka chhiar chhuak vek a, a manhla hle mai.heng thute hi nupui pasal kawppui nei mek zawng zawng hian hria ila, nupa inthenna te hi a tlem deuh ngei ang.