NULA PAKHAT INPUANNA (31.07.2018)

Engtin nge ka dam theih ang le…

Ka hmangaih leh ka rin em em, ka ngaizawng mai ni lo pasal ang hiala ka lo en lakah sawn ka pai a, ani lah chuan min ngaisak tak aruangin ka rilru natna turin min awmkhum a duh zawk miau sia. Kei min ngaisak loin min hmangaih lo mah se, a fa vang tal hi chuan a insum ka lo beisei tehreng nen… mahse ka ngen lawm lawm chung pawn a aia nasain min runluih zawk zel si..

Ani chang a ni lo.. a chhungte pawn ka chanchin an hriat hnuah pawh a chhungte lak aṭang pawn vawikhat te pawh i ṭha em tih awka reng ka dawng lo. An fa ka pai avang hian a der tal pawn ka lo beisei ve tehreng nen.. an thinrimna thu bak hriat ka nei lo. Ran ka ni bik si lo, ka na ve thei a, ka thikthu te a chhe ve thei bawk asin le… ka sawn paina pa pawh hian farnu te pawh a nei ve.. ka chunga an nunrawng ang hian an pasal ten awmkhum ve ta se, an va han na dawn tehreng em…

Ka hmangaih che min lo tih ṭhin kha kei mimawl ta chuan min hmangaih tak² emaw tiin ka thinlung leh ngaituahna, ka zawng²in ka hmangaihna ka lo hlan a, mahse, nau kan pai meuh chuan lawm tura ka lo beisei khan ka tum loh leh rin loh tak maiin ral aṭang lehnghalin ti tla tur khan min ti ta zawk si… Khatih lai khan ka mang angin ka mamawh ngawih² a, mahse ani chuan chuta ṭang chuan min hmelma en nghal ta daih bawk si, a mak a ni.

Nghakhlel takin Aizawl a lo chhuk hun ka thlir a, mahse amah chu sawi loh nitin, nileng, zantin a call leh text reng pawh dawn ni a awm lo. A lo call ve chhun lah kei chau leh na tinreng tuara ka awm lai lo niin, phone khawih thei pawn ka awm loh lai lo ni vei nen…. beiseina nen ka thlir reng laiin June ni 3 ah a ngaizawng hlui nen an thlalak whatsapp dp ah ka hmu ta hlauh mai… Aizawlah a lo awm tawh reng chu lo niin. Ka thik a, ka na a, awm ngaihna reng ka hre lo. Tha takin ka va bia a, mahse ani chuan i thik ka rin vang renga rawn hmang ka nih hi, hetiang lo chuan ka be thei si lo che a, min lo ti ta daih mai a, min biak tum tak² ta se, call, whatsapp, sms vawi sang 10 pawh a hmang thei asin le…

Hun a lo kal zel a, a lak aṭang engmah hmangaihna awka leh ngaisakna ka la dawng chuang lo… chu a chhapah a bialnu nena an thlalak chu black and white in an rawn hmang nawn leh ta sak a nih kha… Chutah a bialnu chuan khawilam aṭang nge maw sms a lo dawng a ni awm e. A hma zawnga min be duh si lo kha a bialnu thlavang hauh erawh a lo tina ngei mai. Kei eng hre lo min rawn ringhlelin min rawn ti ta zek a nih kha. Ka va bo chiangin ka va hamhaih tak em! Mahse maw… tiang khawpa min ti chung pawn ka la haw phal tlat lo a nih chuh. Min hmangaih lo mah se ka hmangaih a nih viau avangin ka taah ka la ngai ṭang tang asin…mahse…

Mahse… a va han mak mawlh² ngai tak em!!! Ka nau neih hun min nghak a, rilru nuam taka ka awm ve theih nan min nghak hram² tura ka lo ngen ṭhin ngawih² chuan a insum zawh lohna a tilang leh ta… Social media fb ah ngei a hlimna leh lawmna ber anih zia ( feeling blessed with….. D an inkoh dan a caption siamin a tag a) tiin an thlalak a upload leh ta… a va han na chungchuang ngai tak em! A lo hmutu ṭhenkhat te chuan an lawmpui ngei ang. Mahse, kei atan erawh ka rin phakbak a ni. Social media ah a post ngam a, comment erawh a dawng
na deuh a ni ngei ang… tinge ka la fin chhuah chuan loh le…

Ka na lutukin phone ka tum nghal a, mahse a dah busy.. ka call leh, ring ral, call nawn leh, ring ral leh… ka beidawng thei lo, ka call leh… mahse min block ta hmak mai le. A hnu darkar tam liam hnuah ka Jio a lo block lo hlauh mai a, a pick. Mahse, a ṭawng duh leh ta lo.. ka call leh, a la ngai tho… heihamm… ka call nawn leh ngat a, a rawn ṭawng ve a, mahse min chhang ṭha duh lo. Enge thil awmzia ka tih pawn ka beisei ang chhanna reng ka dawng lo. Chaw ka ei dawn tih leh phone dah a rual.

Ka call leh ngat.. pick leh duh tawh lo. A hnuah sms in ( Enge i buaina, pic hlui ka dah kha enge i buai vak a, Chaw kan han ei anga kalo call ang che, Ka rawn hrilhfiah ang che, Min lo nghak lok rawh ) tih ka dawng a… Rin loh leh beisei loh deuhin min rawn call ve ta ngei bawk a. Mahse maw… enge i sawi duh chu tiin a rawn pawr nghal a, ka rei lehhh.. engkimah min rawn bur bun ta vek mai. Ka sawi tum ang pawh ka haih chham ta vek. A hnuah whatsapp ah ka rawn bia ang che ti siin a reh leh ta vang²… kei lah thi si lo, dam si lo.. chutah min lo zai ve khang lang nen… min zaina cancer a nih leh nih loh hriat nan biopsy lak ngai hial ka lo ni bawk nen. Rilru hahna a va tam ta em! Min ngaisak loin min diriam viau mah se tlem tala min khawngaiha min dim ve deuh nan tiin ka dinhmun dik tak ka va hrilh leh ta nge²..

Ka va han tlawm zozai tawh tak tiraw? Chuan maw… ni e ka ti tawh lo ang tiin a intiam a, mahse… hmmm… a tuk aṭang chuan engkimah min block ta vek mai… ka chau a ni. Rilru na leh thinrim chi ka ni lo asin… mahse, a tan ka hnawksak em a, kei a inhrikthlakna ber eng atana hman theih ka nih tak si lohah chuan a duh hun²a a inhrik thlakna tur leh kei aia neinung leh tuai ṭha zawk chu min belhsan ta zawk sia, a va han fair lo em tih bak sawi theih ka nei lo. Lehlamah a hlimna thar nen ka chanchin sawia min nuihsawhna tur ka ngaituah ringawt pawn ka ṭim uai² thei mai.

Mahse, min mamawh lo a, tunah chuan atana hnawksak ber lakah a zalen ta… Mahse, ka tih theih chhun erawh tunah chuan ka fa lo piang tur tan chauh hian ka nun ka hmang tawh dawn a ni. Ka fa hian pa tih tur nei lo mah se, a nu ka ni ang a, a pa ka ni bawk ang.. ka fa lo piang tur hi a pa leh a chhung ten duh lo mah se, kei anu hian chak lo tak chung pawn ka dam ve ṭek² chhung chuan ka enkawl mai dawn a ni. Ka fa ṭha taka a pian theihna tur a nih dawn phawt chuan doctorin ka tana ṭha tur engtiang pawn sawi mah se ka fa lo piang tur hi a dam a ngai a ni. A dam theihna tur a nih phawt chuan ka thisen hi luangral vek mah se ka fa tan a nih dawn avangin ka hlim leh hle si.

Kei chu ka tisual avangin ka tuar a, ka sualna ang²in ka lang. Pathian hming erawh kawrah ka hmang ve lo. Khawvel mite hmuha mawina ai chuan Pathian hmuha mawina hi ka ngai pawimawh zawk. Engtiang pawn Pathian thu ka buaipui ti mah se, nun lem lutuk hi chu eng tihna mah a ni chuang lo. Thenrual te hmuhah mawi viau mah se, a nun ber a ṭawp ruk tho chuan a sa lai district bak chan tur a awm chuang lo. Sawn pai tawh ahnu hmanah chhungte enkawl hrep la ngai zui.. a sawn paina pa lahin ngaisak aia diriam a, a thih vat² theih nana ṭawngkam na tak² a la tih el zui ni bawk… a va han lainatawm zual tak em!

Thei leh thei lovin a inthlahrun luatah hna te thawh ve an tum a, mahse, hnathawk chi zia zang a ni bawk si lo… a chhungten hmangaih leh duat takin a dam theih nan neih thinglung khawngin an enkawl a, naupai lai chuan rilru te a na hmain huatthu te a chhia a ni tih an hriat tlat avangin ṭawngkam khat pawh an hau phal lo asin… Phutna nei lovin hmangaih leh duat takin an enkawl a, mahse mite anga khawsa thei ni bik hek lo le.. hmangaih taka an en tawp bak tih theih an neih loh chang erawh a tam.

Tunah chuan a chanchin ka hriat ve theihna tur awm reng² ka ṭhiante ho chu a unfriend vek tawh a, a tana hnawk tur a thian fai zo tawh bawk a, a duh tawkin a leng ziai² tawh ang chu… A unaupa leh a tunu erawh zawngin an hmangaih leh anni pawn an hmangaih huaisen takin an nei a, ka lawmpui khawp mai. Khuanu venna zarah fanau malsawmna pawh an dawng ngei ang.. Ka naute lo piang tur erawh fahrah te ensan ve ngailotu, chunglama miin min awmpui ve thung ang.

Share this post:

You May Also Like

1
Leave a comment:

avatar
1 Comment threads
0 Thread replies
1 Followers
 
Most reacted comment
Hottest comment thread
1 Comment authors
Christina Lalnunkimi Recent comment authors
  Subscribe  
newest oldest most voted
Notify of
Christina Lalnunkimi
Guest
Christina Lalnunkimi

Ka van khawngaih Tak em ka nunhlui ka hriat chhuah duhtawhlo ka tawn ve ngei chu.i tan tih theih neilo mAh ila kalo tawngtai pui reng ang che.i fa lo piangtur poh chu tha taka I enkawl theih ngei ka beisei.