NULA KHAWNGAIHTHLAK

Ka nu pasal neih ve ka duh tawh a ni, ka kum a lo tam zel si a , nakinah ka inchhir loh nan pasal ka neive tawh mai aw?

Mami, ni e, a hun ve tawh reng alawm, Pathian zarin min kalsan mahla kan khawsa ve thei tawh a lawm….

Ka nu, mahse…

Mami, enge mahse chu?

Ka nu pasal nei thei dinhmunah ding mah ila, eng nge ka chhawm ve ang?

Mami, lungngai mah ta che, Pathianin kan zawlpui tawk a pe che ang a, țhatakin i nei ve thei mai ang.

Ka nu, chhawm tur ka neihțhaț loh chuan Kohhran dankhatna ang lo deuhin ka nei ve mai dawn em ni ang, kan rethei bawk si dankhatna a nei tur chuan.

Mami retheih chhuanlam suh, Nupui pasal inneihna hi damchhung atan a ni a, Pathian hriatpui ngei hi a hlu a ni.

Ka nu, Ka hria alawm a hlu lutuk, mahse ka thianten min nuihzat dawn asin, Eng mah chhuan tur kan nei ve si lo.

Mami, engvang ngawtin nge an nuih ang che u, mihring ai chuan Pathian i zah zawk lo em ni ?

Ka nu, ka zah tak meuh mai, mahse, kan chhungkua ka en hian hrehawm ka ti a ni.

Mami ka zawt ang che, tunge malsawmna leh tanpuina pe thintu che?

Pathian kan engkim chunga roreltu, mahse engtin nge niang aw! Lalpa eng vang nge mihausa te anga kan chhungkua min siam ve loh… ka nu, ka neilo mai dawn ?

Mami, ka thu ngaithla rawh, mihring ropuina leh chakna hmachhuan chunga inneite ai chuan, Pathian rinchhana inneite an hlim zawk thin a ni. Hausakna hi Pathian duh zawng a ni ber lo, rethei ber leh mi hnuaihnung berte tan pawh Pathian a ni asin.

Ka nu, min hrilhnaah chuan ka lawm tak zet a ni, hausa leh awmtheite chauh tan bik a siam a ni lova, tupawh Pathian lak atanga beisei neitu zawng zawngte tan he Inneihna thianghlim hi siam a ni.

Mami tunlai nula tlangval tena Retheih chhuanlama Kohhran dan thianghlima inneihna an siam ngam lo fo hi sim a hun tawh tak zet a ni.

SUM TAMTAK LEH THUAM CHHAWM THA TAK TAK TE AI CHUAN, ISUA’ NEI TLAT THINTU NUPA NUN LEH CHHUNGKUA AN HLIM ZAWK A NI.

Share this post:

You May Also Like

Subscribe
Notify of
guest
1 Comment
most voted
newest oldest
Inline Feedbacks
View all comments
Mamawii Hualngo
Mamawii Hualngo
2 years ago

Last two para khi ka duh top.

1
0
Would love your thoughts, please comment.x
()
x