NU HMANGAIHNA

Mal ngawih ngawiha inhriatna chuan a thinlung a luahkhata, beidawng takin a hun leh nite a hmangral fo thin. A hmangaihte nen chuan thenhran an ni a, tih theih reng a nei silo….. A indawm kun chang a tam thin ngei mai, Tinge a fate a hmangaih em em te nen chuan thenhran an nih, Pathian hnenah chuan a vui lek lek thin. Mahse vui thei anih loh zia a hriat vangin, a chunga thil thleng chu duh lo teh mahse, Pathian lakah a vui ngam ngailo.

Nakinah chuan a fa a hmangaih em em te nen chuan , hlim takin an la awmho ve em anga tih ngaihtuahna avang chuan, chhel tak leh rim takin a thawh theih ang ang chu thawkin, chhunni a hmang ral thin. Mahse a hraite te te chuan an ngai ve awm si a…..hetiang thil a ngaihtuah fo thin avang hian a lunngaihna chu a zual thin a, a ngaia a mang anga zanmu chhin har a van ti thin tehlul em!!! 😭😭

Hrisello te mah nise A Fate a hmangaihna chuan, chakna leh chhelna a siamsak zel a, Pathian pawhin a tumna te a hriatpui ania nge, A hmaa thawhtur awm ang ang te chu a thawk ve thei zel ani. Heihi enge a chhan kan tih chuan NU HMANGAIHNA ropui tak chu Pathianin malsawm tlakah a ngai ani mai.

Awle tunah hian hetiang dinhmuna ding mek hi, mi tam tak an awm tih hi kan hmuin kan hre theuh awm e. I dinhmun ang a lo ni ve anih chuan, I fate tan chuan nasa leh hreawm lua a awmlo tih hriaiin tang sauh sauh ta che. Pa hmangaihna hian ram pawnah fate vangin, mi awmpui a tang turin a tir kal ka la hre hauh lo mai, mahse NU HMANGAIHNA erawh chuan hna hniam ber leh zahthlak tak pawh a thawk hreh lo asin. Chuvangin nu Hmangaihna hi ngaihnep ngawt chi a nilo. A fa hlimna tur anih chuan ngai hle mahse ngailo anga a lan a tul chang a awm fo thin si a……

Share this post:

You May Also Like

Leave a comment:

avatar
  Subscribe  
Notify of