NGAIDAMTU NIH A THA ZAWK

Thinrimin emaw temper lose veka i awm khan i rilru ngaihtuahna kha nasa takin a danglam thei a. Chu mi danglamna chu i control thei a nih a, rilru fim i put khan mahni leh mahni inhneh chu i ni pakhat a, a ropui lutuk.

Khawvela mi huaisen ber chu mahni leh mahni inhnehthei te hi an ni. Amaherawh chu i inhneh thei lo a, i kawppui lakah i thin a rim em em a, i duh loh loh i sawi chhuak a, i ang buan buan a, i nih loh ang pui pui ten i awm(behave) a.

Tichuan, i rilru a fim tan ta maw tihah chuan thawk huai pahin i thusawi te chu i han ngaihtuah let a, kei pawh min ankhum se ka duh miah lo ang tih tur khawpin i tawngkam a na a. Chu i thinrim lai, i rilru fimloh laia i tawngkam na tak vang chuan i kawppui (nupui/pasal, bialnu/bialpa) chuan inthen phah hial a duh ta a.

Tichuan, rilru fim pu ta na na na chuan i rilru fim loh laia i thusawi, i anhla zawng zawng chu i inthiam lo a, i inchhir a, i kawppui lakah chuan ngaihdam chu i han dil ta a.

Vawi tam ngaihdam i dil a, i nghah a, i tawngkam hman te i inchhirzia te, i diklohna i pawm a inchhir reng rengin i awm a, hna i thawk a i hnathawhnaah pawh rilru pe hleithei loin i awm a ti raw? Hrehawm i tihzia te chu i hrilh a, mahse a ngaithla duh tawh tlat lo a, ngaihdam a dilna chu a hnawlsak ta a…

Ni e, i tawngkam chu a na lutuk, na tak a ni a lo dawngsawngtu tan pawhin.

I ngaihdam dilna hnawlsak i nih a, kha tawngkam na tak vanga ngaihdam i dilna hnawlsak i nih a, ngaihdam theih i nih loh ai chuan huaisen takin mahni inhneh lo tum ve tawh thin la, i lei veng tha ang che.

Nakinah, mi ngaihdam i dila an ngaihdam nan che nang pawn ngaidam thin ang che. Ngaihdam theih loh khawp thil sual hi a awm reng reng lo tih hi nitin hre kar la. Mahse, hre reng chungin tisual hauh suh.

“THIAMLOH CHANTIRTU NIH AI CHUAN NGAIDAMTU NIH A THA ZAWK.” 

(Ziaktu – Hmingthup)

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x