NAU NEIH HUN LO CHHÛT LÂWK DAN

By – Helen Lalrinpuii
20 June 2014

¤ Tun tum chu, in lamah mahni a nau neih hun tur lo chhut lawk dan in zir dawn teh ang. Nau neih hun lo chhut lawk hi a damdawi lam tawng chuan “Expected Date of Delivery (EDD)” kan ti mai a, hei hi a hmeichhia thi neih hnuhung ber intan ni, a damdawi lam tawnga -“LAST PERIOD OF MENSTRUATION” (LMP) atang in kan chhut tlangpui a ni.

¤ Hetia, thi neih dan atang a nau pian hun tur lo chhut hi, za ah 5% hi, an chhut ni takah a nei a, dang 95% hemi tahrik chhut bawr velah hian an nei tlangpui, a eng a pawh chu nise, nu in a nau neih hun a lo inrin lawk na’n a hmanrua tangkai tak a la ni fan. (ultrasound hmang a hriat theih tho mah nise).

¤ Nau neih hun chhut dan hi chi hrang hrang a awm na a, hemi post-ah hian a awlsam zual pathum te ka rawn tarlang ang, nu leh chhungkua te’n in lo tangkaipui tak mial in.

1. Chhut dan pakhatna:
I thi nei tawp ni ber ah khan ni 7 belh la, thla-ah khan thla kua belh leh teh,ta tang a, lo chhuak kha i nau neih hun tur a beisei ni chu a ni e. Entir na’n: I thi neih hnuhnun ber kha, 17-22.January,2014 lo ni ta se, ni 17 kha i LMP chu a ni a, ni 17-ah khan ni 7 belh la, january thla atang khan thla kua belh leh la; 17+7=24, January(1) + 9= 10( a thla
sawmna chu october a ni a), tichuan i EDD CHU 24 Oct 2014 a ni e.

2. Chhutdan pahnihna:
Hei hi chu a awlsam hle,a tlangpuiin naupai hun hi kar 40( ni 280) a ni a. Chuvangin chu i LMP atang khan, ni 240/kar 40 han belh la, chuta chhuak chu,i EDD chu a ni e.
Entirna’n: I thi neih hnuhnun ber kha,17-22 Jan 2014 lo ni ta se, ni 17 kha i LMP chu a nia, ta tang khan ni 280 han belh teh, 24th Oct2014 a chhuak ang.

3. Chhut dan pathumna:
Hetah hi chuan i LMP atang khan, a thla-ah khan thla thum chhut let la, a ni-ah erawh ni sarih i belh dawn nia.

Entirna’n: I thi neih hnuhnun ber kha, 17- 22 January 2014 lo ni ta se, ni 17 kha i LMP chu a nia, a thla january atang khan thla thum i paih let chuan, october a chhuak ang a, a ni (17) ah ni 7 i belh chuan ni 24 a chhuak ang, tichuan, I EDD chu, 24 October 2014 a ni e.

*He ti lo pawn nau neih in beisei ni chu a chhut theih a, mahse a awlsam zual pathum ka rawn tarlang a ni e.

Ultrasound ni chhut leh thi neih dan a zir a nau neih beisei hun chhut hi a inmil
mawh em em a, a chhan ber chu ultrasound chuan, nau nei hun chhut na’n naute rih zawng, naute bawmpui(placenta) , tui pai tam zawng leh thildang hmangin a chhut vang a ni e.

¤ Sawi tawh angin, hetia thi neih dan azira chhut hi thleng dik zat zat lem lo, nau pian hun tur chu Pathian thu thu a nia, lo inrinlawk erawh mihring chan a ni ve thung.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x