MO NUN DAI TAWH HMEICHHIA BAWK HI AN NIA MO NUN TIHREHAWMTU

MO NUN DAI TAWH HMEICHHIA BAWK HI AN NIA MO NUN TIHREHAWMTU
– Chhantea Pautu

A lawi fuh lo vek veka inngai chuan Mo dinhmun hrehawm leh hahthlakzia hi sawi tur an hre ṭeuh mai. An lawina hrehawmziate, an pasala chhungte khirhzia leh sualzia hi an sawi ngamna chinah chuan an sawi par par thei a, an thawk ṭeuh chung leh an hah em em chunga fak an hlawh ve lohzia pawh i ngaihthlak peih phawt chuan an hrilh ṭeuh thei ang che.

Mahse, Mo dinhmun tihrehawm zualtu hi Mo lo ni ve tawh, hrehawm lo pal tlang ve tawh leh, Mo nih hrehawmzia lo tem tawh avanga Mo dinhmun hre thiama lo duat emaw, lo dawm emaw thiam hle tura ngaih hmeichhia bawk hi an ni duh. Sawi tur tingin mipa chu an lo awm ve mahna.

Ka ngaihtuah ta a- vawiina Mo nih hrehawmzia sawi iak iak, mahni pasala chhungte rel rel mai leh, duh anga awm thei lova inngai hmeichhia hian, nakkinah a fapain nupui neiin Mo nei ve ta se, eng angin nge a mo chu a enkawl ang tih hi ka hre chak ta hle a.

Hmeichhia, Mo hrehawmna hre tak leh phunchiar tak hian a Mo nun a tihrehawm veleh mai ang em?

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x