MIPAIN NUPUI TE AN RINAWM LOH SANNA CHHAN

Mipa ten chhan hrang hrang vangin an kawppui te an rinawm loh san thei a, nupa inkar boruak ṭhat loh vang a ni thei a, chutih rualin an kawppui ten an hriatchhuah an rin loh vang te pawh a ni thei. Realtionship counselor Dr. Kamal Khurana chuan mipa te an kawppui laka an rinawm lohna chhan zirchianna neiin, a thil hmuhchhuah ni a sawi te ka’n rawn tarlang e :-

 1. Nupa inkara boruak ṭha lo hi a chhan tlanglawn ber pawl a ni. Nupa inhmuthiam lo reng mai, in lama inhau deuh reng, nupa hlim lo te karah mipa in pawn lamah hlimna a zawng duh riau. An in chhung boruak nuam lo tlansan tumin, hlimna a zawng ta thin a ni.

2. Mipa ṭhenkhat chuan nupa nun an ning a, an nupa nun chu ngaiah an nei a. Inneih tirh lama boruak lek deuh sek sek ang kha an hmuh tak loh vangin ‘lek deuh sek sek’ zawngin pawnlamah an mit an len ta ṭhin. Experience thar beiseiin risk an la ta mai ṭhin.

3. Mipat hmeichhiatna lama thil thar tawn chakna leh beiseina, midang laka han experiment chhin châkna nei an awm ṭhin. Chutiang mipa chuan hmeichhe tam tak, vawi tam tak mutpui an duh ṭhin. Heng ho hi chuan kawppui te rinawm loh san pawh an awlsam bik a ni.

4. Nupui ten pasal te ngaihtuah hman lek lova thildang buaipui tur an ngah lutuk hian mipa-ah chuan hmun ruak a siam thuai a. Chuti ang mipa te chuan anmahni tlema lo faka be ṭha deuh ṭhin te lakah an rilru a nem hma bik a ni.

5. Chhungte zingah, an naupan laia hetianga kawppui te laka rinawm lo an awm hian rinawm loh ve mai an awlsam bik. Hei bakah hian tleirawl lai leh tlangval laia ngaihzawng ngah deuh ten kawppui te rinawm loh san hi an awlsam deuh niin an sawi zel.

6. Nupui te an rinawm lo ni a mipain a rinhlelh hian rinawm loh ve mai duhna a nei ṭhin. Hmeichhia chu inpuangin, inngaidam angin awm mah se, mipa chuan a thinlung takin a ngaidam tak tak thei lova, rinawm loh ve kha phuba lakna ang-ah a ngai ṭhin.

7. Mipa ṭhenkhat chuan nupui te ṭhen duh vanga rinawm loh an ching. Chutiang mi chuan inthup pawh an tum lem lova, an kawppui te tih thinrim an tum mah zawk. Mahse, hetiang mipa hi chu an tlem viau.

8. Nupui ten mamawh lo riaua inhriatna mipain a neihin hmeichhe dang, amah duat deuh tur melh a awlsam. Chu chuan rinawm lohna a thlen thuai ṭhin. Nupui te lak aṭanga an dawn tawh loh, ngaihsakna leh tih heuh heuhna te hmeichhe dang lak aṭanga an dawnin an kawppui te laka rinawm loh mai an awlsam ta ṭhin a ni.

Source : The Aizawl Post

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x