MIPAIN A NUPUI HRIAT NGEI NGEI ATANA A DUH THENKHATTE

Ziaktu : Mamuani Ralte Lûtmâng

1. Mipa ngenna tihhlawhtlin loh hian nghawng a nei hle.
~ I pasalin mutpui atana a sâwm che a i lo dawnsawn dân chuan awmze thûk tak an rilru-ah a nei tlat thin a ni. Mutpui tura a sâwm che chuan inpâwlpui atan mai a sâwm che a ni lo va; ‘Ka hmangaihna che hi i pawm em?’ a tihna tluk a ni.

2. Mipa hian hmeichhe hlim thei tak an ngaina thin.
~ A tlângpuiin mipa rêng rêng hian an rilru hah han tizângkhai tur hian han fiamthu hlut te hi an ngaina êm êm vek a; mawhphurhna rip zawk phur an nih avang hian han intihthawven lawk te hi an thlahlel êm êm a ni.

3. I pasal ta chu a khawng nazawngin inpâwl a châk tihna a ni vek lêm lo.
~ Mipa serh a lo fuk kawh țhinna chhan hi an serha thisen a lo inchhêk luh tam vang mai a ni. A châk lo chung eng emaw vanga lo kawh ve satliah kha inpâwl châk vang emaw i tih veka zâwt lêm lova lo tihlungawi tumna avanga inpâwlpui i lo tum ve ngawt pawh kha tihsual theih ve tak a ni. Inzawha inchhân mumal a pawimawh viau; mipa pawh a nupui tlang takin a hrilh ve mai thin tur a ni.

4. Inpâwl laia inbiak chhên hi mipa hian an duh tehchiam lo (hemi kawngah hian mipa zawng zawng an inang vek âwm lo ve).
~ Mipa hian an thluak hi vawi khatah thil pahnih tih nan an hmang kawp thiam ve tlat lo a ni. Inpâwl lai tak pawhin hmeichhia chuan thu han sawi mai pawh kan awlsam êm êm laiin mipa erawh chuan a thil tih lai bâk kha a ngaihtuah theih loh avangin thu duhawm tak tak pawh han hrilh mah la, ‘Aw, aw’ tih bâkin a chhâng kher lo vang che.

Hetih lai hian mipa thenkhat chuan an nupuite biak leh inpâwlna lam hawi tawngkam, a lutuk pawh awm lova sawi/râk vêl an phût ve tlat thung.

5. Mipa hi țawng lam aiin a ena en lam hian a tizauthau hma zawk.
~ Mipa hi en lamah an tui a, hmeichhia hi sawi/țawng lamah kan tui thung. Mipa rêng rêng hian lehkhabu te, film te (phone-a film leh picture pawh huamin) te châkna tichhuak thei tur zâwng chi en hi an tuina chhan leh hmeichhia thung chuan thawnthu chhiar kan tui êm êmna chhan chu ni!

Chhiartute’n hlawkpuina tlêm tal hmu țheuh turin duhsakna ka hlan e.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x