MIPA LAKA HEL HMEICHHIA

Mipa Laka Hel Hmeichhia
©Chhantea Pautu

Ngaih dan inpawmsak loh ziah bîkna hian hmeichhe tam tak mipa lakah a heltir fo tih hi mipate hian kan chhût ngai em awww.

Hmeichhia te’n hmeichhe mâwl tak angin anmahni fuihpawrhna thilah lo ngai lo rawh se; tin, lo pawr phah viauna tur chi pawh a ni chuang lo bawk.

Mipa ṭhenkhat hi chu, kan pa thei thêngthâwng khawp mai; mahse, mipa hi hmeichhe lakah intih pa hranpa ngâi vakin a lang lo. Mipa kan ni sa a, mipa kan nihna hi phur chhuak zo turin kan mawhphurhna hlen ila, hmeichhe hnuaichhiahtu leh ti retheitu ni lovin, dâwm kângtu leh an thlavang hauhsaktu kan ni mai.

Hmeichhia an nih avanga ngaih dan leh duh dan sawi thei ve lo tawp tur emaw, a nih loh leh, an ngaih dan leh duh dan an sawi ve pawha pawmsak ve loh tur leh hnawlsak vek bîk turah emaw an thu leh hla kan ngaihsak zel ngawt chuan, zalen lovin an inhria ang a, a rei hunah meuh chuan i lakah a la hel ngei ang.

Awp behna hmanga inkhuahkhirh hi tu mihring mahin kan duh hlen ngai tak tak lo, a tawpkhawk leh tawk chin tih nei vek kan ni e.

Hmeichhia pawh hi, kan inrawlhna tur chin leh ngaih dan leh duh dan kan sawi vena tura âwm leh mawi chin chu a awm tih hre lo kan nih fo chuan, mipain a en liam mai mai theih loh hun che a la thleng dawn a ni.

Hmeichhia hi hmeichhia an nih avanga kalpah leh namnul tur an ni lo va, hmeichhia an nih avang taka zah leh fak phu an ni. Chak lo zawk, âwm nêm zawk leh ngaihtuah thui lo zawk anga an lan avang tak hian, nang mipa, a kianga ding turin a mamawh zawk che a ni e. I rawng bawltu ber i laka a hel reng chuan, a buaithlak ve ang.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x