MIPA CHU

 

An nupui fanaute tana kawng engkimah in nghahna tlak te hi MIPA an ni. Mahse famkim lohna khawvelah hian chutiang mi chu an vang angreng hle lawi si.. Hetiang hian teh ta ila mipa chuan a nupui fanaute a chawm zoin a venghim tur a ni. Paber anih angin Krista chu a lu ani anga, zah tlakin a nung tur a ni. Mihring ve mai a ni a kawng engkimah a fel famkim bik dawnlo tih hi chiangsa a ni. Mahse hetia lang mai thei ang thil pawh a ti hlawhtling theilo anih chuan, Mipa nep tak ani tihna a ni ang.

Nupui fanaute chawmzo tur hian sorkar hna thawh kher a ngai lova, rinawm leh taima taka hna a thawh phawt chuan, chhungkaw ei khawp chu a thawk chhuak thei ani. Nupui fanaute venghim tur hian wrestler/boxer nih kher a ngai lova, pa te reuhte te te hian an nupui fanaute chu him leh hlim takin an dah thei tlat a ni. An venhim turte ber an rikrapa kut thak hnawih nana an hman fo chuan, an nupui fanaute tan himna leh hlimna hmun dang a awm dawn chuang em ni? An himna hmun tur ber a an him miau loh chuan an tan khawvel chu hremhmun a ni ringawt mai ani.

               Chuvangin Nupui neia chhungkaw din ngam chin tan chuan, mawhphurhna hlen mai kha an tih tur a ni. Chutiang a nih phawt chuan mipa zah tlak an ni anga nupui fanaute pawhin an zah nghal a ni mai. Pa tam tak ten zah an phut a an phut ang an hmuh thin lohna chhan ni a lang chu, a chunga kan sawi ang mi nupui fanau chawm zo lo leh, rikrapa kutthlak ching an nih vang ani. Eng mi pawh ni la eng hna pawh thawk la, zah tlaka i nun miau chuan, engvangin nge an zah loh tehlul ang che, nupuite hian pasal in nghahna tlak leh venghim tu an mamawh thin asin…..

Share this post:

You May Also Like