MIPA CHU MAW!

Mipa Chu!?
(Hmeichhiate Tana Hriat Tur!)
Chhantea Pautu

* Hmeichhiate’n an zah a phût a; mipa a nih a inhria a ni. ‘Neu’ taka en a ngaina lem lo!
* Zahawm taka entu leh chawimawi thiam riautu hmeichhia chu; a hnunglam atangin chhûangtakin a thlîr vawng vawng thin! (Hei hi hmeichhe tam zawkin an man lo!)
* Inchhûng sekrek khawih ve hi an duh lo bur a ni lova; nupuiin,’thaihbawih’ anga a cheibawl leh, mite hmuha ‘thaihbawih’ anga lan a duh loh vang a ni mah zawk!
* Chhûngkaw chawm nan a rilru a sèn mai bakah, hah takin a tha leh zung a sêng a; duat a mamawh ve fo!
* Hmeichhe laka pangchan ve riau châng a nei!
* Hmeichhiate’n biak pawh hmasak an phût ang bawkin, biak hmasak a mamawh ve châng a awm!
* A mittui a tlak ve meuh chuan; a tana tuarna tawpkhawk a ni!
* Ngaihsan, zah, chhuan leh hmangaih a duh a, rinngam leh chungnung zawk anga en a phût! A mamawh bawk; chuti ang hrethiam hmeichhia chuan mipa a nawrkar thin!
* Mipa a ni miau a, mi pangngai pangngaiah chuan, hmahruaitu nih hi a kuta awmah a ngai ang!
* Hmangaihtu leh ngainatu, duh leh zah ru em emtu hmeichhia chu a hmuh hmaih ngai hauh lo a nia!
* A harsatna leh a buaina sawichhuah mai a hreh châwk; a sawichhuak a nih chuan a bawhawk ang!
* Hmeichhe diktak, ze dik tak pu hmeichhe zahawm thu chu a zah thin; chuti ang hmeichhe hmaah chuan inphah hnuai taka awm a hreh ngai lo!
* A nuna harsatna chhum a inleh but but chang chuan, khawhar takin a awm a, thing-thuthlengah thuin a khawvel chu a thlîr a; aww…hmeichhia, mal takin awm tir suh, nangmah kha a chakna i ni!

P.S: Inlaichînna chu, mi pahnih(mipa leh hmeichhia) inzah thiam tawnna hmunah a thangduang thin!

Share this post:

You May Also Like

Subscribe
Notify of
guest
1 Comment
most voted
newest oldest
Inline Feedbacks
View all comments
malsawma
malsawma
2 years ago

Thra khawp mai

1
0
Would love your thoughts, please comment.x
()
x