LAWM TUR KAN NI

Ziaktu – Sangtea Chinzah
October 2, 2014

1. Nupa inthen tam tak an awm laia Thlawi kan ni ve lo hi.

2. Inngai leh inthlahlel ngawih ngawih chunga Thihna avanga Inthen tam tak an awm laia – Vawiin thlenga kan la indampui theih avangin.

3. Nupa a hming maia la ni ve hram hram tam tak an awm laia – Nupa nun hlim taka kan la chhiar chhoh theih avangin.

4. Kawppuite hriat loha Uire tam tak an awm laia – Kan kawppuite tan kan inserh thianghlim zel theih avangin.

5. Ruitheihthil avanga Nupa kar chhe mek tam tak an awm laia – Ruihtheihthilin a tihbuai ve loh kawppui kan nei te hi.

6. Chhungte avanga Nupa inthen leh Nupa kar khi mek tam tak an awm laia – Nupa inzawmna venpuitu tur Chhungte tha tak kan neih avangin.

7. Tun thlenga Fate kan la dampui theih avangin, keimahni ang rual Nu or Pa tam tak hian an fate an lo thih san tawh a sin. Nu leh Pa bula thlamuang taka an la mut theih avangin.

8. An kawppuite khawsak dan dik loh avanga nun hlimna nei thei tawh mang lo tam tak an awm laia – Dam thlakhlelhna nei thei tura kan kawppuiten min la siam avangin.

9. An kawppuiten Pathian lam an hawi loh avanga hrehawm taka nun hmang leh beidawnnain a tuam mek tam tak an awm laia – Pathian ngaihsak mi kawppui kan neih avangin.

10. Hmangaihna hruikhat vuan dun chunga kan hmaa thil awmte kan la hmachhawn dun zel theih avangin lawm tur kan ni.

Lawm ringawt erawh a tawk lo. Lawm thei tura min siamtu Lalpa lakah hian tihtur bat kan nei ve. Hmangaihna chuan hmangaihna veka chhanlet a phut thin tih hre tawhtute kan nih kha.

(Min lo comment sak zel rawh u aw…)

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x