INPUANNA | KA TAWN LOH TUR KA TAWNG TA EM NI

Ziaktu Hmingthup.

“Hmeichhe pangngai tak leh mi zakzum tawng tlem em em ka ni thin. Ka nu leh pa hian harsa viau mah ila zirna hi an ngai pawimawh ve em em thin a. Khawdang (hostel) ah ka awm tan a, ka zawh thleng harsa viau mah ila rual awt loin nuamsa takin lehkha min zirtir ve a ni. Ka zir chhuah hun nghakin beiseina leh tawngtaina nen min lo hmuak ve thin. Ka nu leh pa thlazar hnuaia awm enkawl hi ka chak ve thin bawk a ni.

Mahse, vawikhat chu mi 1 ka tawng a, mifel tak leh kohhrana inhmang tak upa fa a ni bawk a. Ka hlim em em a. Pathian tih mi hi pasal atan neih ka tum ve ngar ngar thin a. Kan zir zawha innei turin a chhungte nawrna pawh a ni ang. Ka nu leh pa pawn min ui ve ngawih ngawih chungin kan innei ta a!

Ka nu leh pa ten min duat avangin, hna thawk loa awm thang ka ni a, mahse pasal ka neih hnuah chuan a tul tul kan thawk mai tur alawm tiin kei pawn ka phak ang tawk tawkin zei vak lo mah ila ka che ve thin a. A hmaa ka awmdan nen ka inen pawn rin aiin ka fel khawp mai ka inti ve thin a. Mahse tawngkam ka thiam loh avang hian mi biak hi ka thiam vak lo a ni ber mai.

A hmingin private school ah ka inhlawh ve thin a, tlaiah hi chuan ka chau ve thei lutuk a, mahse ka tih tur chu ka ti thin tho. Chutih hunlai chuan ka pasal nu hian biak pawh min be tha duh vak ngai lo a, ka hlawh pawh pe ila a lawm em em pawh ka hre lo. Awmze nei deuh deuhin min tawng khum a, ka school kal tur hi ka tap ru thin. Kan pa hian kut min thlak thin a, ka rilru lo hian min puh chhe thin a, na hi ka ti thei khawp mai. Ka thiamna rengah pawh thiam ka chang ve ngai lo.

Inchhungkhura kohhran mi anga ka neih kha kan chengdun chu a mak hi ka ti ngawih ngawih. Kohhran leh pawlah hruaitu tha tha chu an ni. An chenpui a va hau takin a va hreawm em. Thil 1 ho te tihsual pawh mifel lo chhuahin min chhuah a, anmahniin engmah titha duh si loin mi thatna hmanga an thatna lantir an tum ni berin ka hria.

Hmaichhana tha taka inhrilh engmah a awm ngai lo a, a mei nei zawng leh midang hek ranin eng pawh ti se an awm tlat a. Midang chuan kan dinhmun an hre lo a, lo inthen pawh ni ila thiam kan chang ngai dawn lo. Thudik phenah dawt an sawi thin a ni. Ka pasal nu hi nu ka hriat tawhah chuan a ni tluka Kohhran mi inti si, a tul chuan dawt sawi hrat leh sual hi khawiah mah ka tawn ka ring lo. Awmpuite pawh ngeih chu sawi loh ama thisen zawm ngei fate pawh ngeih lo mihring a ni tlat a.

Fapa te bulah mo te hek leh rel a hmang sia, ka ngawih reng chuan thiam ka chang ngai dawn lo tiin ka tawngtam ve tan ta a. Nu fing tak tawngkam thiam em em tawng tur hre deuh mai a ni a, kei chuan phak tawkin ka hmangaihna leh duatna ka lantir ve thin a. A chunga ka thatna ka lantir hi ka nu leh pa chungah pawh ka lantir ngai lo, kan u nupui pawn a ti ngai lo. Mahse fak hi ka hlawh ngai lo a, inveng rengin hun ka hmang a, hoteah min sawisel reng a.

Amah vang hian kan nupa nun pawh hi a buai nasa tawh khawp mai. Inthen dawn tak takin amah zawk hi a hlau zawkah a tang a. Ringtu inti si, a nun hi a va rapthlak em, sawi dan pawh ka thiam lo. Mihring nun hi inbelh chian loh chuan a lo va chhe em. Mitha pawh hi kan chenpui ten an zir ngang loh chuan awmzia a neih loh chang hi a awm thin.

A chang chuan haw daih hi ka duh thin a, fa.. kan nei ve tawh bawk nen. Min ankhumna tawngkam hi ka thisen zawmpuite pawna min la tih ngai lohna a ni. Ka hun tawn leh min tawngkhum dan hi ka ngaihtuah thin a, a rapthlak mang e… A farnu te lahin duh tawka min ankhum chang a tam mai. Hnialthlak min tum bawk thin, chu pawh min be lo tih leh an inah kan leng a thingpui min lum lo tih ringawtah.. aw ka nun hi hote pawh hi ka tan chuan natna a ni mai.

Tiang chhungkua hi chu an tam hi ka ring miah lo. Keini chhung hi hruaitu nihna nei lo, a mawi tawka Kohhrana inhmang pawh hi tiang em em kan ni bik lo. An nihna hi keimahah min hmehbel vek a, kei tawngkam ka thiam si lo. Tiang chu rawngbawl ni mah se Pathianin a la hrem chu ka ring tlat a ni.

Kan inneih dawn hian miin min hrilh a, nei lo tur pawn, ka hmangaihna mit a del vang a ni ber ang, mi sawi mai mai chu ka ti tlat a, mahse maw… an nun hi ringlo ai pawn an sual, an rapthlak a ni. Eng tin nge ka awm tak ang? Dan puitlingin kan innei si a.

Then mai chu a harsa tawh si a, ka thawh tur tawk hna hi chu hmu ve ila he harsatna hi ka kalsan thei mahna. Tunah chuan ka fate ka enkawl thei dawn si lo, ka va beidawng tak em! Min lo tanpui teh u.” tiin.

Share this post:

You May Also Like

1
Leave a comment:

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
VLLuaia Recent comment authors
  Subscribe  
newest oldest most voted
Notify of
VLLuaia
Guest
VLLuaia

Hetiang ang chhungkua hi kei chuan kala hrelo a, mahse itawn diktak anihsi chuan ka khawngaih hle mai che, engpawh nise i pasal hnenah akip akawia thil awmzia ihrilh phawt thain ka ring
Chutah in pain ahrethiamlo che anih chuan thaber tur nia i ngaih angin thutlukna nangman siam tawp mai rawh.