INPAWL CHUNGCHANGA NUPUITE HARSATNA LEH PASALTE MANGANGNA

(a bikin hetiang lama harsatna nei Nuho tan)

1. NUAM I TIH DAN BER I SAWI NGAM TUR A NI :
Hmangaihna chendun reng reng hi mi pakhat chauh nawm falna tur a ni bik lova, nuam tihtlan theihna tur ang ber neih tum zawk tur a ni. Hmangaihna chendun zin leh rei lam ni lo in, nuam tihna leh lungawina hmuh theih ngei tum zawk tur a ni.

Hmeichhia i nih vangin zeilo bik riau a in hriat na neih hi a tha lova, i pasal hnen ah nuam i tih dan ber i hrilh hreh reng reng tur a nilo. I pangti englai khawihin nge nuam i tih sawi hreh lo la, i pasal in nuam a tih dan i zawt hreh tur a ni lo.

2. NUAM I TIDER TUR A NI LO :
Hmangaihna chendun reng rengin, mahni takin nuam ti miah si lovin i kawppuiin nuam ti lo anga i lan chuan nuam a ti lo palh ang tih hlauh vangin nuam ti ang taka i lan der fo chuan nangmah leh nangmah i inbum mai mai tihna a ni.

Pasalin a nupui chu a chakna tihthawh theihna turin a pangti leh taksa bung hrang hrangte a chulsak emaw, a khalhsak emaw chang a awm thin a. Chu’ngah te chuan, hmeichhiain khawih a duh lohna hmun tak mai te kha a khawihsak fo chuan rilru lamah timna leh zahna leh thawl tawk lohna a nei mai theih avangin fimkhur a tha.

Hmangaihna chendun reng reng hi helhkam emaw, lungkham emaw nei run chunga neih anih chuan, a nawmna tur angin a nuam thei lova. Chuvangin, taksa bung hrang hrang, kan kawppui ten khawihsak an duh loh lai leh khawih lo sela kan tih lai inkhawihsak pawha sawi chhuah hreh vang emaw mai maia lo tuar hram hram chu a dik miah lova, chu ai chuan a tirah hawihhawm takin a chhaih leh a tih Dan chea nuam i tih loh riaunate a awm phawt chuan hrilh hreh loh tur a ni.

3. A TAKSA BUNG HRANG HRANG I NGAIHTHAH TUR A NI LO :
Hmangaihna chendun reng rengin chakna intitho tawn turin engemaw chen chu inkuah, infawh leh inkhalh tawn tur a ni a, chutah, engkim peihfel a nih hnu leh insum theih a nih tawh loh hnu thlen thlenga inkalpui tawh hnuah chuan rilru zawng zawng inpekna, inpumpekna neiin Hmangaihna Chendun chu nuam lehzualin a hman theih chauh a ni.

Heti anga tih hun chhung rei leh rei loh chungchangah chuan a hun leh hmun leh mihring awm dana zir chawp chhoh tur a ni thung a ni.

4. TIHDAN PANGNGAI NGAWR NGAWR HMAN LOH TUR :
Tihdan nuam ber ni-a hriat pawh a ngai hlira tih nawn tlut tlut mai chu a ninawm thei a, chawhmeh pawh a tirah tui viau mah se, a ngai hlir hmeh chu a hneawm ve thei (mipa tam takin chawhmeh ngai hlir hmeh a hneawm, a dang hmeh in ngaihdan kha a dik lo… hehe ). Nupaah a tihdan pangngai tea tih reng ai chuan a hran hrana thlak kual thiam tur a ni.

Nupa karah chuan zawn chhuah a, hmuh belhchhah zel theih a ni a, vawi khata hriatsa vek ai chuan zir thar chawp chhoh zel a hlimawmin a nuam zawk a ni. Mahni hriat ve tawh saa ‘Nuam tih dun dan ber ‘ a tan chawt ai chuan… chu chu khek hram hrama a hmawr bawk nana hman tum a tha mah zawk bawk.

5. I TAKSA LEH I PIAN KHA I HLUT THIAM TUR A NI :
I taksa leh hmel, a englai mah kha i inhmusit tur a ni lo. I tihdanglam theih tawh loh chi reng reng kha chu a nihna ang angin i ngaisang thiam mai tur a ni a, i insit reng reng tur a ni lo. I insit chuan nangmah leh nangmah i inhrem mai mai tihna a ni.
Khawvelah hian tumah mihring inang kan awm lova, kan nihna ang chiah nei hi pakhat mah an awm bik lo. Chuvangin, mahni pianphung leh nihna i kawppui lakah zahpui lovang che.

NUPUI TAN : Fa neih tawh hnu hian Chakna tlahniam anga ngaih hi a dik lo. Nu hi inchhung khawih neuh neuh nen kan hah bik thin a, hei hi zanlamah chuan pasal tan in-adjust thiam a pawimawh. Fa nei tawh i nih chuan zanlamah hunbi neiin mut hmatir la, chhuna i hahna leh i rilru kam thildang dahboin, i pasal lawmna siam sak turin i inpuahchah thin dawn nia .

PASAL TAN : I chakna tihhlawhtlin lam ngawt ngaihtuah lo la, hmeichhe Feelings hriatthiampuiin, dawhthei takin chet i la thin dawn nia.

Damdawi leh Porn Video vel ngai lovin, Hmangaihna Chendun kawngah NANGMAH kha i pawimawh.

Ps : Uangthuang leh Zahmawh rawngkai zawnga comment phal a ni lo Bur.

Share this post:

You May Also Like

1
Leave a comment:

avatar
1 Comment threads
0 Thread replies
1 Followers
 
Most reacted comment
Hottest comment thread
1 Comment authors
Puipuii nu Recent comment authors
  Subscribe  
newest oldest most voted
Notify of
Puipuii nu
Guest
Puipuii nu

Mizo ten kan mamawh tak zet ni.tianga in hrilhfiah hi