I WANNA BE YOUR VALENTINE FOREVER!

©

Chhantea Pautu

He thu hi i chhhiar hnu-ah ‘Valentine’s Day’ a lothleng leh ṭhin ang!

Kan hmalama kan awmdan tur- kan hmalam hun chu kan hmalam hun a ni a! Keini’n kan sawi lâwk thei tlat lo! Mahse, ‘Valentine’s Day’, ka ‘Happy Birthday’ leh i ‘Happy Birthday’ a lo thlen apiangin engtin emawni ka awm ve ziah ang ka ring!

Hmalam hun chu eng ang pawhin lo inher mah se, ka thinlung erawh a ngai reng tho bawk si! Tih vak ngaihna pawh ka hre chuang lo! Tih danglam tuma thil danglam ngaihtuah pawh ka tum lo! Ti hian, ka thinlungah i awm a, chu chu ka lungawipui ve ringawt a; chu chu a ni mai! I tan pawh a hnawk chuang lova, ka tan a hrehawm chuang lo bawk a!

Siamtu’n rem a tih chuan feltakin thil a kal tho ang tih ka ring a ni! A nuam ka ti! Nangnena inpawh taka awm hi! Min tihlim hle a ni tih hi ka zêp duh ting tang lo a nia aw!

Nat hlauh avanga i invenna kha thiahsak che ka duh miah lova; ka hrethiam che a ni! Mahse, kan hma-ah tupawh chu lo awm se…inkawpte chu inzir tawna inhrethiam tawn tura kan inpeih a ngai tih chu i hai bîk lovang ti raw!? Nupa dinhmuna kan din hun a lo thleng hlauh a nih tâkin; inremna leh hmangaihna tluantling nei tura kan rilru lo buatsaih lâwk hi kan tih ngei a ngai si!

Ih maw!?
‘Hmangaihna’ kan tih fo satliah ringawt hi a tâwk loh chang a awm dawn a nia aw! I chawhmeh siam a fuh loh deuh châng a awm pawhin, ka insum hram hram a ngai ang’a; ka nuih var var te pawh a la ngai dawn! Mahse, siam fuh loh i neih pawh ka ring lo!

Nupa nihna kawngah, bultanna tan fuh lo tak takte ka hmu thin a! Hna duh luat avanga; nupa ni si, khawhartaka insiam tawnte pawh ka hmu thin! A pawi ka ti! Nang chu khawhartaka i awm loh ka ring!

‘Valentine’s Day’ kan thleng leh ang a…mahse, heng hi ‘Valentine’s Day’ a nih dawn tâk avanga sawi ka ni lo! ‘Valentine’s Day’ chu ‘Valentine’s Day’ a ni a! Ka rilru chu a ngai reng tho mai! ‘Valentine’s Day’ a nih avangin danglam kher ngai ka ti lo! Hei hi chu i tân a ni! I pual liau liau a ni zawk! ‘Valentine’s Day’ pual a ni reng reng lo!

Chuan…kan zirlai chu Bible-a innghat a ni a! ‘Valentine’s Day’ a nih avanga kan inlaichînna a thar ta hluai chauh a nih chuan; chu kan inlaichînna chu a tlo lo zawk mai thei a sin! ‘Valentine’s Day’ chu nakkum daih a ni leh tawh ang’a; a thleng khât teh mai si!

Ka hmangaih che! Hei hi ka hria, i hria; a tawwwk!

“Ka Valentine i ni thei lo’m ni!?”

“Nang hi ka Valentine chu i ni!”

He’ng tawngkam hmanga ‘Valentine’s Day’ hi hmangaihna entirna Nî tura miten an ngai a, chatuan thunung thlun thar nawn nana an hmang a nih pawhin; kei chu ka han duhâm leh hram teh ang-Nitin hi, nang leh keia inkarah ‘Valentine’s Day’ chu lo ni rawh se! Kum khata nikhat lek ai chuan, chatuana i ‘Valentine’ nihte chu ka duh feee zawk!

Sawi tam a ngai lo ti raw!? Hmangaih kha a tawk! Hmangaihna dik takah chuan a dawngtu mamawh engkim a kim vek si a!

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x