I PASAL CHU

Jeel Tochhawng Maq.
12 March 2014

I PASAL CHU.
Papari Robert.
( Inbox ka dawn atanga lawrkhawm)
1. I pasal in nangmah ai a pawn lam leh a thiante kawm nuam a tih zawk chuan nangmah inenfiah hmasa ang che. Thil dang zawng aia a ngaihpawimawh theih nan che kawmngeihin, titipui tam tum thin rawh.
2. Inngaihzawn lai ang thovin pasalte bulah awm tum thin rawh. Nu nih tawh hnu hian inthlahdah mai a awl a, fate kan ngaihpawimawh rualin pasal te ngaihpawimawh tel reng tur, i pasal i ngaihpawimawh tawk loh chuan a hlat tial tial mai ang che.
3. Hmeichhia zawk nih vangin pasalte pawng paw hlauh a, an thu a kawi a ngil zawm vek kher zel tur tihna a ni lo. An dik lohna leh thiam lohnaah hau a zilh ngam ve tur khawp in inpawhna tha a tir atangin neih tum la. I lungawi lohna sawi chhuak ngam lo khawp a i pasal i hlauh chuan i hrehawm tawlh tawlh ang.
4. I pasal duh zawng leh a titi duh zawng tawmpui thei tur khawpin i pasal mizia zir chiang ang che.
5. I pasal thiante chu i thian te ah ngai la, kawmngeih ve zel tum la, i rilru hahna tur tam tak i pum pelh ang.
6. I pasal laka i lungawilohna, thinrim hmel taka tih lan leh awka vin a sawi ai chuan i in control theih hun nghak la, dam thlap a i sawi khan mipa rilru i hneh hma zawk dawn a ni tih hrereng ang che.
7. A hna thawhna a a chhuah dawnin hlim hmel takin thlah thin la, a lo haw hunah a hahdam sawng sawng theihna tur khawp in lo welcome thin ang che.
8. Thikthu chhiat vang hian duh loh thleng thlengin thil a kal thui palh thei. Thik i lo nei a nih chuan i thikthu tilang mai lovin, i lama i hip beh tlat theih nan tran i la sauh sauh zawk dawn nia.
9. Tu pawh mai hian Order deuh a in tirh/ tawngkhum hi kan ngaithei lo, chuvangin i pasalin lo ti ve tur a i duh chu awka dam takin hrilh thin la, phur takin a pui zawk ngei ang che.
10. Fa neih hnu ah Nupa nun hman chakna i neih tlem phah a, a chang chuan i hne ngawih ngawih thin a nih chuan nangmah in adjust rawh. Nu te hi naute nen, inchhung khawih nen chhun lamah kan hah ve thin a, fa te zan mut hnu chauh hi kan hahdam ve theih lai a ni. I fate chu zan lamah hunbi neiin mut hma tir la, chhun lama i hahnate i rilru atanga dah bovin, i pasal tan chauh i rilru inpuahchah rawh le.
*** Thil reng reng hi zir theih vek a ni a, zir ngai lova hriat sa hi a awm theih laiin hriat sa anga lang pawh hriat belh zel tura inzir zel theih a ni.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x