I NUN KHA BEIDAWNG MAI LOVIN LO FIGHT TEH

Sora-i Nu.

Nu leh Pa, Chhungte’n i rilru anti na in mittui tla hial khawpin an siam che a, i thinrim a, i rilru ana viau thin anih pawn ka dem hauh lo che, rilru na thei lo tunge awm?

Thinrim luat vanga mahni nunna hial la duh an awm fo mai, mahse, kan chhungte tluk a he khawvel a min hmangaih a, min duhsaktu an awm chuang si lo, Nunna, Hlimna, Tahna, Lawmna min pe a, kan chhiatlai ber pawha min thlahthlam ngailo tute an ni si.

Hetiang hun hi ilo tawk palh anih pawn an hmangaih vang che leh i tel lova nun an zuam lohzia an lantirna ah lo ngai thin la, i hlim mai ang.

I ngaihzawng in rilru natakin a siam che a, midang a kawpsan che in, midang bulah i chanchin a chhe zawngin a sawi pawh ani thei, chumi avanga i thinlung na chuan mahni inthah duh mai na, he khawvel hi ruak ngawih ngawiha hriatna i nei ani thei, ka dem hauhlo che ka ti dawn lo, keichuan ka dem thlawt che ka ti ang, Hmangaihna kan pe chhhuak a, kan thinlung kan hliam a, na takin kan kun a, kan tap thin, mahse, engahnge kan tah ang? Kan hmangaihna ngainepa, tlansan a, nuihza bura siamtu chuan kan mittui farkhat pawh an phulo asin.

Hetiang ni hi i lo tawk anih ngaichuan, i hmangaihna ngaineptu avang mai khan i nunna kha dah hlu lo duh reng reng suh ang che.

Tho la, i puan veng la, Hmangaihna kawngah chuan nunthar zawng rawh.
Hmangaih ber hi a awm thei emaw ti suh, Kha.., i hmangaih emaw i tih aia nasa khan midang ila hmangaih thei a, Nunthar a pe thei che tih finfiah rawh, chumi atan chuan i nun kha hlut hle ang che.

I thiante nen in in hau ani thei, inhauh chang chu a awm lo thei lo, tu in emaw dawt hmangin alo timualpho vak che a, i rilru hah luat vangin mahni inthah duhna hial ilo nei pawh ani thei, mi hmusit leh endawng nih chhunzawm i duhloh chuan emaw miin an thusawi kha i nihna ni silo kha alo ni ngei a, a dik alo nih hi an tihna turin Chance pe ngai suh ang che.

Nupa karah in hriatthiamlohna te, midang inkawp san etc avanga i lo chauh a, i lo tawrh theih loh a, khawvel chhuahsan a, mahni nunna lak mai duhna rilru te i pu thin em?

Mi dawizep ang maiin tlanchhe suh, i fate an lo puitlin hunah i chungchang thu kha engtinnge sawi se i duh ngaihtuah thin ang che.

Engvang pawhin kan beidawng ani thei, beidawn tak tak chuan kan ngaihtuahna hi a lo tawi a, chutak chu setana hian hmanrua atana hmangin, thiam takin min bei thin, mahse, kan beidawn lai ber khan kan finna sangber kan hmang zawk tur ani, i beiseia chu enge anih hre lo mahla, beiseina nen hmalam pan fan fan la, englaipawha kalsan ngailo tu leh, phatsan ngai lo tu che, he khawvel eng min hmuhtir a, Nunna hlu tak minpe a, chaktaka min siamtu tur leh Amah pantu te malsawm thin tu Pathian khan i kut dinglam a vuan tih i hriatchhuah hun chuan i va hlim dawn si em!.

Mahni nunna hlut zo lova, engmah hmachhawn ngamlo a mahni nunna hial la thin te hi khawvela mi dawihzep ber te anni.

Hetiang tih duhna rilru i put hma in i chhungte, i hmangaih te, i fate etc.. hrechhhuak hmasa thin la, Pathian hmaa i din hun tur ngaihtuah fo bawk ang che.

Thihna hi Nunna in tanna chauh ani a, khatichung khan kumkhuain engtinnge i nun theih ang?

Ava rapthlak dawn em!!
Thi turin kan piang a, Nung tura thih ala ngai cheu.

I thi anga, engkim a tawp ang tih rin avang khan i nunna lakah engkim tih tawp i duh ani thei, mahse, i thi dawn lo, i nung reng thovang, hreawm takin!!!

Ka thian, ilo beidawng a, i lo chau a, i rilru ana a, i thinlung alo puak keh anih pawhin beidawng ngai suh ang che.

Pathian i ko anga, Ani chuan engkim a hre vek ani.
Amah chu ring la,Aman ati vek ang…..

Kan thihna hi kan tawp hlen na tur nise, tunge hreawm taka nung duh ang ni?

I beidawn em em hun alo thlen pawn i hringnun kha beiseina nen,harsa deuh mahse, hmalam panin bei fan fan thin rawh.
Mi tumruh hlawhchham an awm ngai lo.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x