I KAWPPUI TUR DIK TAK I TAWNG EM?

Eng relationship pawh hian hun bi inher chhuah pui dan (cycle) a nei a, chung stage te chu :-
1.Romantic stage an tia, taksa leh hmelin induh tawnna a kaihhruai hun lai a ni.

I ngai em em ang a, biak reng i duh bawk ang. A bulah ihun tam zawk hman i duh thin bawk ang. Thil thleng rang tak pawh a ni thin, thil nih dan phung pangngai tak a ni bawk. Mi tam chu he hmangaihna kan tihah hian an tlu lut awlsam em em a. Rilru nghet lo phei chuan an hmuh hnuhnun apiang mai an hmangaihin an duh em em zel thin.

2.Dissillusionment stage an tia, romantic stage a ral a ni.

     Kan nihna tak tak lan chhuah hun a ni. Mize dik tak hi thup reng theih a ni. First stage-ah hian kan nghet tawk tawh viaua inhriatna avangin inthlahdul pawh a awl viau reng a ni. Hmangaihna hi chhawm nun ve reng ngai a ni tih an hai fo thin.
I kawppui mizia dik tak i hre chho tan a, a chhia leh tha lam te khang ang ho zawng zawng pawm theih chin i neih hun te, pawm theih thlawt loh i neih hun te a ni. Mi tam zawk chuan he hun hi an paltlang zo lo thin. Ka rin ang i lo ni lo tiin an beidawng mai thin. Rilru nget tak mi erawh chuan ka tuar chhuak ang tiin an kawpuite mize tha lo lai pawh pawm thiam dan an zawng hram thung thin. 
He stage-ah hian tam tak chuan a paltlang te pawhin midang han kawp zuai chakna te, thil thar tem chakna te an nei ve fo.

3.Stage tawp ber. Hmangaihna tak tak lan chhuah hun. Engkim mai hi a mawi em em vek tawh mai a ni.

    A phunchiarna te pawh keima thiam loh vang a ni tih rilru i pu daih tawh ang. A tel loa i nun a kim loh zia i hrechiang tulh2 ang. Stage 2 paltlang lo te pawhin he hunah hian an inchhir fo thin, ani khan min lo dawm thiam ber mai an ti fo thin reng a ni.
Khawvel i dam chhung hian i duhthusam ang tak mihring hi i tawng ngai dawn lo tih hre reng ang che, famkim lo mihring kan ni miau a. Chuvangin a aia tha zawk leh famkim tur midang zawng mai loin insiam that tawn puiah i kawppui kha sawm zawk thin ang che.

    Pathian chuan tu pawh i nunah a rawn tir lut ang, a bak chu nangmahah a in nghat tawh. Kawpuui tawn fuh hi kan mi duh zawng leh duhthusam tawn leh tawn lohaha a innghat lo a, kan tawna te kan hmangaih thiam hi a pawi mawh ber fo.
Heng ang zawng2 hi i tuma chuti chung pawha amah zawkin a kalsan che anih chuan a aia tha zawk i tawng dawn tihah chiang ang che. I kawppui tur dik tak chuan i pek let ang chiah kha a pe let ang che.

by – Lra An

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x