I HMANGAIH VANGIN I NÂ MAW?

I Hmangaih Vangin I Nà Maw?

Chhantea Pautu

I tân ṭah a ṭul leh ṭhin!

I zuam lo chungin i hlat a ngai a, i ngam lo chungin i kal kìan a ngâi a, i pawm ngam ngài loh kha i pawm a ṭul ta si.

I duh reng vang ni lovin i khawhar a, a langa nuiin i chhungril i thup a. Harsatna i tawhin, thlahlelin ngâi em em mah la, hrilh tawh lo tura i insum a ngâi a. I inbun ruah ṭhinna khàn mi dang, khaw dang, kawng dang a hawisan che a, amah hnaih thlahleltu khan amah hlat i zir a ngâi ta a ni tiraw!? A châng phei chuan a thlawn maia hmangaihna pe chhûak niin i inngâi ṭhin hial a nih kha!

Ṭap rawh; mahse, din phah suh. I natna kha thup suh; mahse, hmalam thlîr chungin aw. Khawhâr la; mahse, hawi chhûak rawh aw. Lunglêng mah la a pawi lo; mahse, mi chak tak i ni asin.

I hmangaihna ang tîata a dawnsawn loh che pawhin, a thlawna hmangaihna pe chhûakah inngâi duh suh aw; pêk chhuah hi a thlawn ngài lo.

Tunah ṭap mah la, i nuih hun a la thleng ang. Khawhar mah la, i mal reng dawn lo. Lunglêng mah la, hnem i la ni ang.

I hmaa kâwlkil êng saw i hmu em? Saw lam saw pan la, i dinhmun anga ding tawh hian ka kài ang che aw; ti rawh, i kal dùn ang. Tlâng chu lian hle mah se, kan la lâwn chhûak dâwn alawm.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x