HMEICHHIA THI NEIH DAN LEH RAI THEIH HUN

Hmeichhe hrisel pangngai chuan ni 25 atanga ni 30 dan zelah emaw (chu chu a tlangpuiin ni 28 dan a ni deuh ber ) hmeichhe chi (egg) chu chi-bawm (ovary) atangin pakhat lo chhuak a awm ziah thin a. Hei hi te reuh te te a ni a, inchi khat hi hmun zaah then ta ila, chumi zinga pakhat ang tiat vel awrh chu a ni ang.

He chi bawm atang hian hmeichhe chi chuan dawt pahnih (fallopian tubes) zinga a engemaw zawk zawk chu rawn zawhin, chhul lam a rawn pan a. Hetia hmeichhe chiin chi bawm atanga dawt a rawn zawh lai tak hi RAI THEIH HUN CHU a ni. Hetih hun lai tak nangchinga Hmangaihna chendun chuan ‘Rai theihna hun tha ber’ a lo ni ta a ni.

Hetianga hmeichhe chi a lo chhuah hun hi thi neih dan pangngai ni 28 lai hawl …chu chu, ni 14 vel bawrah a ni ber. Chumi awmzia chu, thla tin a hmeichhia ni 28 dana thi nei zat zatah chuan thi neih ni hmasa ber atanga chhiar ni 14 na emaw, ni 15 na emawah hmeichhe tui (egg) chu a lo tawlh chhuak thin tihna a nih chu. Chuti a nih chuan, thi neih tan ni atanga chhut a ni 12 na leh ni 16 na inkar chu Rai theih hun tha ber angin a lo chhut theih ta a ni.

Naupai duh te tan chuan hemi hun tha lai tak hi chuh rana nupa Hmangaihna chendun pawh hemi huna neih thin tum tur a ni. Naupai duh rih lo thung tan erawh chuan, hemi hunlai hi pumpelh luih tum tlat a, insum tang tang a ngai tihna a nih chu. 

Amaherawhchu, thi neih dan bi hi a inan loh hlawm em avangin, mahni theuh tana rai theih hun tha hriat theih dan tur pawh chhut dan a danglam thluah thei a. A tlangpui erawh chuan mahni thi neih tan hun atanga ni 12 leh ni 16 inkar chhunga Hmangaihna chendun chu Rai Theih Hun Tha a ni tih chu a chhut theih vek tho a ni.

Naupai tur te Good luck ule.  

Share this post:

You May Also Like

Subscribe
Notify of
guest
1 Comment
most voted
newest oldest
Inline Feedbacks
View all comments
Nutei jongte
Nutei jongte
1 year ago

Kan pa nen hian nikum ah kn in neia.. Nau kala pai thei miah loa, ahma in nau tihtlakna ka ei tawha… Khami vang kha ani thei ngem

1
0
Would love your thoughts, please comment.x
()
x