HMEICHHIA CHUAN …..

HMEICHHIA chuan, a hmangaihte zawng zawng kalsanin a hmangaih pakhat chiah vuan turin a pasal chenna in-ah a lawi a. A huai a ni.

HMEICHHIA chu, a mo hlim ațangin a pasal chhungte zawng zawng hmangaih nghal, duhsak nghal, ngaina nghal tura beisei a ni nghal a. A tih theih nghal mai loha a phun nawi chuan, dem a hlawh fo. Khawngaihthlák hian.

HMEICHHIA chuan ná tak tuarin, thisen chhuakin, nunna thapin a pasal hnam chhawm nungtu tur a hring a.

HMEICHHIA pasal nei tawhin tlangval a fiam bawrh bawrh ngam chuan, “Nu lerh,” kan ti a. Mipa nupui nei tawhin nula fiama a kuah bawrh bawrh chu, “Mizo mipa nihphung,” kan ti leh si.
Pasal sùn hnu lawka inchei deuh leh nun nuam ti tak kan hmuh chuan,”Pasal mitmu pawh keh hma hauha,” kan ti a. Nupui sùn te chu,”I fate fahrah ai chuan nupui fel deuh nei vat rawh,” tiin duhsak takin kan bia a. Kan society tak hi chu aw!

Hmanah chuan hmeichhia leh hmeichhia an inrel a. Tunah chuan mipain hmeichhia an rel a, hmeichhia chuan hmeichhia tho.????

Khawvel changkan ruala hmeichhe dinhmun a kan ve tak avang hian, hmana tlawm țhin hmeichhia chu a lo huai ta a. Tih theih tam tak a neihzia a lantir chung pawha, “HMEICHHIA LEH PAL CHHIA,” la ti țang țang duh mipa chu, “MIPA LEH ARPA chu lo khuang ve mai mai rawh se,” ti daih teh ang.????

Ka hnuk a ulh e,????sawi ve țhak țhak tawh rawh u.

Share this post:

You May Also Like

Subscribe
Notify of
guest
2 Comments
most voted
newest oldest
Inline Feedbacks
View all comments
Lalramsangi
Lalramsangi
1 year ago

Dik lutuk,mipa leh arpa chu lo khuang ve mai mai teh se,an chapo duh phian bawk si

Reubena Pa
Reubena Pa
1 year ago

Tha khawp mai tan han la zel teh

2
0
Would love your thoughts, please comment.x
()
x