HMEICHHIA CHU- II

HMEICHHIA CHU- II

– Chhante Pautu

Hriatthiam ngai a nih laiin kan hrethiam lo fo va!

Dawh hram hram ngai a nih laiin kan dawh thei lo fo!

Ngaihtuah thui mang lo va thil ti palh thin a nih laiin venpui nachang kan hre lo va!

Thuràwn min pêk vein min hnuaichhiah tumah kan ngai a!

Mittui tla zung zung khawpa a ṭahin kuah vawng vawng nachang kan hre lo ṭhin!

Chak lo zawk, awmnem zawk a ni chungin ṭul loah pawh kut kan thlak fo va!

A laka kan thinurin a na thin; a laka kan thinrim chuan a hlim lo va, lungawi lovin a lungngai a!

A lakah kan lung a awi tih a hriatin ngaihngam takin a awm a, a hlim a, a hlimna chu mi zawng zawngin hria se pawi a ti lo!

Chhawmdawl, venpui, an thlavang hauh leh, a changa lalnu ang maia enkawl hi mipate mawhphurhna a ni!

A ṭah chuan engmah sawi tur hre lo mah la; thlamuangtaka a awm theih nan i ṭângah pawm la, kuah vawng vawng mai teh le!

Hmeichhe fing chuan, ama tana ding mipa chu, a laka a dawhtheihna hrethiamin; chuti ang mipa chu amah a ngaihsakna tlukpuiin a zah lêt ṭhin!

Thilsiam mak ber an ni!

* A nuihin duhawmnaa khat a ni thei a!

* A thinrimin a hmangaihna a puangchhuak a ni thei a!

* A duh reng hi pehhêlin, duh lo angin a insawi thei a; hriatthiam a ngai!

* A châng chuan a ngawi tlat a; i ngaihsak a mamawh thei a!

* A ṭah chuan a thinlung a phawrh tihna a ni a!

* Titau awkâin, “Puih ka ngai lo!” a tih hmak chuan; puih a mamawh tihna a ni!

* “Mipa ho hi, inti mipa hlur ringawt a…!”
a tih chuan- a hah a, inchhung sekrek ṭhenkhatah puih a thlahlel tihna a ni ang!

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x