HMEICHHIA CHU!? – I

Hmeichhia Chu!?

– Chhantea Pautu

A châng chuan zanrei pawh sawi lovin a rawn ‘call’ che ang a, lo ‘pick-up’ turin a duh che ang a; i buai thu i hrilh erawh chuan tha takin a dah thung ang…
In han inbia ang a, a thil vei leh sawi duh a sawi par par ang a, i tawng vena hun remchang reng reng a siam lo ang a, dawhthei taka i lo ngaihthlaka, i ngaihven a ni tih i lantir chuan atan mipa zahawm leh duhawmtak i ni tih a thinlungah a awm tan ang…

Eng emaw châng chuan, i thil tih laklawh lai leh lai lo pawh a sawi lo ang a, i Bike khalh lai paw’n a rawn ‘call’ mai thei che a…lo ‘pick-up’ ang che.

Mipa khirh lutuk hi an bula awm a hahthlak a ti a, a duh lo(Hei hi val seniorte harsatna a ni…)

Ngai em em reng tur che-in a beisei che a; mahse i ngai a ni tih i sawi reng chuan a induh khum che emaw, a ngaihsak lo lui emaw lawi si ang che(Buaithlak dawn chiang!)

“I van chimawm thiam reuh…ka khawng keuh mai tur che sin…” tih tawngkam ringawt pawh a hlimpui ang a, a duh phah sawt ang che…

Tak rènrùna inngaihzawn a duh lovang a; a hun lova fiam chhen erawh a duh miah lovang…

Naupangchhia deuh taka inkawp a duh hun a awm ang a, zangkhai takin; mahse puitling anga en a phut hun a awm ang…chuti chu nimahsela, naupang taka i chhaihfiam chu a hlim phah veng veng thin ang…

Mipa i nih ang ngeiin pa taka awm turin a beisei che a…mahse…a tul huna hmeichhe khawih tur ni a kan ngaih, thlengsil, chhuatnawh leh inchhung chet, i khawih ve mai hreh lo a nih chuan a ngaisang ngawt ang che…a zah bawk ang che(Inti mipate harsatna…)

A duh dan anga a tih theihte chu a ngaina a(Hetiang hi hmeichiate duhzawng mipate chu an ni…); mahse tlang tak leh pa taka awm turin a duh che…

I hriatthiam a phût a, a lakah dawhthei la a duh a, ngaihsak thiam la a duh a, a dam loh a nih chuan a nat chungchang zawtin, “A la na em?” tiin a dam tih i hriat hnu-ah pawh zawt la, i ‘mark’ a tha ngawt ang…

Hei hi theihnghilh suh…a chhungte chanchin ngaihven la, an damtha em tih zawt fo rawh…hehehe…hmeichhiate u…
An landan ang aia mi khawhar thei em em leh, hmangaihtu mamawh em em an ni; khawharin siam rei suh! A tana siam Mipa i nih ang ngeiin a mamawh che a ni!

Mipa chu, chungnung zawkin lang mah se; chungnung zawk chuan chak lo zawk chu a dawm thiam tur a ni!

Share this post:

You May Also Like

Leave a comment:

avatar
  Subscribe  
Notify of