HMEICHHE NAUPAI CHU! (Tihtheih Mawltê, Awl Tak; Mipate Hmaih Palh Ni Fo Si!)

HMEICHHE NAUPAI CHU!
(Tihtheih Mawltê, Awl Tak; Hmaih Palh Ni Fo Si!)
– Chhantea Pautu

* Pasal chuan hmeichhe naupai chu tihluau hluau kher lo mah se a dinhmun chiah eng’e tih a ngaihven a ngai! Amah vang veka naupai a ni tlat a!

* Hmeichhe naupai rilru tina turin, a chhe zawnga a thinlung nghawng thei tawngkam na a hmang lo hram hram ang!

* Hmeichhe naupai chu awka vin taka biak tam loh tawp tur a ni!

* Hmeichhe naupai chuan taksa hahdam ai mahin rilru leh thinlung hahdam a mamawh tih pasalin a hre tur a ni!

* A ngaihsak a, a ngaihven reng a ni tih a tilang fo tur a ni ang; hei hi naupaiin an mamawh!

* Khawhara siam lovin, lerh san hek suh se!

* A ei duhzawng ngaihvenin, eitur tha, naupai tana hrisel a hawnsak fo tur a ni ang!

* Raino luakchhuak, thinchhiat, mipa hnena…ldt…a lo neih paw’n a dawhthei hram hrang ang!

* Hmeichhe naupai dul lo puar chu chhuangtaka thlirin leh, a paitu a duatna tilangin a chul heuh heuh fo dawn a ni!

* Naute chu mipa nge hmeichhia ni ang tih thu-ah a paitu inhnialfiampuiin a tinui fo tur a ni!

* Naute lo piang tur hming an inphuahfiamsiak zeuh zeuh ang; hei hian hmabak hmachhawnna kawngah phurna thar a pe ve thei!

* Hmeichhe naupai chu,”I va mawi em!” tia fak fo tur a ni!

* Naute lo piang tur chu,”Kan enkawl dun dawn nia” tia tawng thlamuanin, a tana a awm zia a hrilh hre tur a ni!

* Inhauhpui vak lo se, naupaitu a thinrim pawhin ngawih chuh se la, a ngawih theih loh leh hun rei lotê atan inthiarfihlim rawh se!

* Mipa chuan mipa takin, amah avanga hmeichhe naupai chu a thlahthlam tur a ni lo!

Share this post:

You May Also Like

Leave a comment:

avatar
  Subscribe  
Notify of