HMEICHHE HMANGAIHNA

(Mipa te hriat tur)

Hmeichhiate hian a bik takin inngaihzawng anga inhmangaihna hi an mamawh bik em em a, an kawppuite atang chuan nitina nun chhohna kawngah duat nihte an phut bik a. Chuti ang zawng ni lova enkawl palh chuan an thin a rim hma a, an lung a chhe hmain tah mai te pawh an awlsam bik em em a ni.

Tupawh mai hian fak hi kan lawm em em vek chungin, a bik takin hmeichhiate hian fak te, ngaihsan der te, zahder te hi an lawm em em bik a. Mipa, hmeichhe zia man laklawh tawh, pawn lama miten engah mah kan ngaih lohte pawh hian hmeichhe tha tak tak an bum an bum theih thinna pawh hi. Awlsam te hian an inngaihtir thiam tlat a.

Hmeichhiate hian an mamawh nia an ngaihte pawh, zahzum vang emaw, pasal ten an ngaihdan a ni lo palh ang tih hlauh vang emaw pawhin an sawi lang fo lem lo thei. Chu vangin, mipa tam tak te hi chuan heti ang lam hi an zuk hriatpui lo hle thin a, hriat loh hian nupuite hi an lo beidawngin, an lo hrilhhai viau thei thin a ni. Thil an duh rengte pawh duh lo anga lan chang an nei thei a, chuvangin, an rilru puthmang hi hriat reng tum tur a ni.

Thil reng reng hi zir theih vek a ni a, zir ngai lova hriatsa hi a awm theih laiin hriatsa anga lang pawh hriat belh leh zir belh theih vek a ni thung a ni.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x