FEL NIH HLAWH LO NUPUITE

By – Sora-i Nu

Hmanlai kan pi leh pute atang tawhin hmeichhe dinhmun hi a hniam em em a, hun alokal a, tunah chuan hmeichhe dinhmun chawikan kawngah hma kan sawnin kan thang ta khawp mai a, chutiang karah chuan hmeichhie thenkhat erawh kan dinhmun hi a harsa in, a la khirh fo mai.

Pasal kan han neih hian kan hun hi a khirh zual fo mai.

Nu te hi kawng engkim leh hnar kan ni tawh a, inchhungkhur enkawl piahlama ei zawngtu nih bawk si chuan rilru te hi a mumal lo fova, pasal te hlawh khamkhawp si lo, fate enkawlna tur sum mamawh avanga nuber eizawnga chhuah te alo tul a, rimtaka hnathawh a, inlam a hah taka chet leh te a lo ngai a, pasal chhungte laka fel nih hlawh lah hi a har si.!

Chutiang zawng zawng hre vek chung pawh a kan pasalten min fak loh a, min lainat loh a, kan hnathawh an hrelo der zel fo hian beidawnna, huatna, rilru hreawmna bakah nupa nun hlimlohna hial a thlen duh thin.

Hmeichhe dinhmun chawisang thiamlo, zahsak thei tlat lo, pasal mawl leh chut lutuk hi an awm fo mai.

Pasalte erawh inchhungkhurah inti pa takin an awm a, ro an rel zuah zuah a, an rorel ah anmahni pawh ding thei meuhlo leh zawm thei meuh lo an tam!

Thil hote ti se fak an phut a, fel nih an hlawh hmain chhungten an fak ar-ek nasa thei em em bawk a, Nupui te thil tih, hnathawh hre duh miah si lo mahni thil tih hre hlar te, titha inti bik riau te an ni chawk thin.

Inti pa tum luat avanga nupa nun kehchhia hi an tam ta ve ang ka ring.

Engpawhnise, nupuite hnathawh, thil tih te fak peih a, chawimawi peih a, dawmkan peih hi pasalte hian in mawhphurhna ani.

Nute hian fate tan tiin engkim huamin hna kan thawk fova, fate tan Nute hi an lei Pathian an ni a, Nupuite tan Pasalte hi Kan Pathian anni ve thung.

Fate Pathian chu pasalte hian duatin, an thawhrimna pui thin ila, nupuite pawn an lei Pathian rawng chu hlimtakin an bawl bawk ang a, chhungkaw hlim leh nuam a lo awm zel ang.

Nupuite thiltih that a fak hlawhloh hi chuan beidawnna bak hmachhawp hi a awm meuh lo a ni.

Pasalte mawhphurhna hi a sang em em a, chutiang bawkin hmeichia pawh a ni tho.

Chhungkaw hlim leh nuam siam tur chuan Pain hneh taka ro a rel a, a nupui, a fate hmangaih leh hrethiam taka a enkawl phawt chuan, thil thaah a chhia a chhuak ngai lova, damchhung nawmna a insiam tel bawk dawn a ni.

Hmeichhiate hi chu sual nih hi kan hlawh hma em em bik a, rimtakin hna thawkin, nasa takin bei mahila, kan dinhmun hi a sang mawh viau a ni.

Pasal ten min hriatthiam a ngai nasain, min backup thiam a ngai a, kan pasal te an nep viau erawh chuan damchhung jail tang tluk zet kan ni mai si.

Pasalte pawn nupuite hna leh rilru put dan hriatthiamsak hi nupa nun a thil pawimawh ber ber te zingah a tel tih hre thar leh teh u.

Hmeichhe hausakna chu pasalte an ni a, a retheihna erawh second khat lek chhungin a intan thei thung.

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x