ENG PASAL NGE I NIH LE?

Hreh tak chung leh inthiam lo tak chungin zu no chu a dawm vang vang a,a rilru hahna leh natna te a chhawk zangkhai beiseiin, a tih ngai loh chu a tih a lo tul ta. Miten zu in mi tia an sawi tur chu duh lo teh mah se, a pasalin a phatsanna ai chuan Mi hmuhsit leh diriam chu a thlang ta zawk a ni.

Pasal a nei ve a, hlim takin an awm dawn emaw a tih laiin, a beiseina chu engmah lo mai an Chang ta si a, pa berin an fate hmuh laiin lainatna leh khawngaihna nei hauh lovin saruak ten a dah thin a, nu a nihna dinhmun chu tihbawrhban sakin, an fa te chuan nu a nihna angin zahna pakhat mah an nei tawh lo, a thu an awih hek lova, pa berin a tihdanin a zir miau loh avangin fate tan chuan zah ngaihna a awm lo.

Inchhungkhurah chuan Mi chuangtlai leh Mi hnawksak nia inngaihna neiin, dam thlakhlelna leh chakna pawh nei lo khawpin a awm fo thin. Hmangaih tak leh duat taka enkawl tura Pasal berin diriam taka kut thlakin, a thawmhnaw hak laite a pawh chhiatsak a, saruaka chhuak turin, mawi lo takin a ti fo thin. Chutiang thil te tuar thin hmeichhe derdep tak a nih avangin dam chakna pakhat mah a nei tawh lo.

Mahse, mahni intihhluma tualthat nih chu a thil duh loh ber a ni thung, a pasalah chuan beseina a nei tawh lova, hmangaihna pawh a nei tawh hek lo. Kalna tur leh pan tur nei ni se zawng, chu hremhmun chu a chhuahsan vang vang mai tur. A dinhmun chu a chhe lulai em a ni. Thi si lo dam si lovin chu hremhmunah chuan duh lo teh mah se a awm a ngai tlat si a. A van rapthlak em!!!

Engati nge duh tak leh hmangaih taka I neih I nupui chu phatsana a thinlung tihnat chu duhtawk lova, a taksa lehzel I tihnatsak fo le? Eng mipa nge I nih? A zahawmna humhim tur berin hmuhsitawm takin I siam chu a ni si a. Eng chhungkua nge din I tum a? I khingphel I nupui ber hetianga I ti duh a nih si chuan, chhungkaw ropui tak chu I din lo sa reng mai.

Inchhung khurah hian eng hi nge nu dinhmun tih hi hriatchian a ngai khawp mai, Pa a lal bera nu a thu Ber tiin fiamthuin ka sawi thin. A chhan chu pa lalna hnuaiah nuin inchhungkhur leh fate enkawlna kawngah thlamuang takin ro a rel ve dawn a ni. Chutiang ni lova pa berin chawhmeh siam tur thlenga a rel ve zut zut chuan, nuber tan tihtur a awm lo. Tin, in fate khan I nupui an zahin a thu an awih em? An awih lo a nih chuan I thiam loh a ni? I faten an zah hle che a I thu an awih a nih chuan, I nupui lawmthu hrilh hmiah roh, daih mai a.

I nupui I Pasal I treat Dan khan in fateah thu a sawi ring viau, I zilhhauna aiin.

KA LAWM E.

Share this post:

You May Also Like

Leave a comment:

avatar
  Subscribe  
Notify of