CHHUNGKAW PA BER TAN

By – Rotea Gunner Vanchhawng

1. Christian chhungkaw hlawhtling kan ni em?

2. Midangte tana Beramno rilru ang pu, mahni inchhungkhurah Sakei anga hlauhawm ka ni em?

3. Fate zingah duhsak bik nei Pa ka ni em?

4. Ka faten keimahah zalenna an hmu em?

5. Nupui fanaute dikna rahbehsak khawp hian chhungkaw Dictator awmin ka awm em?

6. Ka nupui leh fanaute hian ka hmangaih tak zet a ni tih an hriat turin ka tilang em?

7. Nem leh lutuk hi a tha lo tih hrereng chungin kan fate diklohna hi nem takin ka enliam mai em?

8. Fate sualna hmawr hi nu te an ni duh chawk a, ka nupui hian kan fate sualna hrereng chung hian ka hriat hlauvin a lo thup pui thin em?

9. Ka fate hi inchhungkhura naupang ena ka en lai hian pawnlamah leh facebookah hian an lo nula/tlangval viau si em?

10. Cheng 5 chhar aiin cheng 1 thawhchhuah hi a hlu zawk tih ka zirtirloh chuan hlep ruk ching fa ka nei dawn tihna a ni a, fate hi hnathawh hlutna zirtir ngailo pa ka ni mai em?

11. Pathian khawngaihna azarah hlawhtlinnate neiin dinhmun sang tak pawh lo chang se, hnathawh kawr ha thin fate a ni tih an hailoh nan leh harsate harsatna hrethiam tura zirtirna pe thin pa ka ni em?

12. Eng ang mizia nge kan nih tih hriatna tha ber chu kan zawlpuite emaw kan aia sangte kan en dan ni lovin, kan aia hnuaite kan en dan hi a ni zawk thin a, kan chhungkua hian kan aia hnuaia kan ngaihte pawl tam zawk turin ka hrilh thin em???? tih hi ka in enletna ni thei bawk se.

13. Kan in tlawm takah chuan eng ang mi pawh an leng vek tur a ni a, ka nupui leh fanaute hian an ngai thei lo anih chuan in danga awmna tur kan ngaihtuah mai tur a ni.

14. Ka nupui hian min nei duh anih chuan ka chhungte pawh a nei tel tur ani ang, chutiang chiah chuan kei pawhin.

15. Sunday school leh biak in inkhawm laia naupang awmdan hi nu leh pate hlimthla a ni a, ka fate inkhawm laia inhlei tak an nih chuan kan mualphona a ni tih hrelo pa ka ni em?

 

Share this post:

You May Also Like

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x